हावाहुरी र असिना पीडित गरिब किसानलाई राहत दिन प्रभु साहको माग

हाम्रो इकोनोमि

 

नेपाल कम्युनिष्ट पार्टी (नेकपा) प्रदेश २ का अध्यक्ष प्रभु साहले भिषण हावाहुरी र असिना पानीले पीडित गरिब, किसान परिवारलाई राहत एवं क्षतिपुर्ति उपलब्ध गराउँन सरकारसग माग गरेका छन् ।
कोरोना भाइरसको सन्त्रास र जारी लकडाउका कारण पीडितलाई निरन्तरको हावाहुरी, असिना पानीले झनझन पीडित बनाएको छ । हिजो साझ आएको हावाहुरी तथा असिना पानीले रौतहट, बारा, पर्सा लगायतका ठाउँमा किसानको मकैबालीका साथै आँप, लिचिमा क्षति पुगेको छ ।

असिना पानी तथा हावाहुरीले गरिव वर्गका मान्छेको घरको छानो उडाएको छ । कतिपय परिवार घरवार बिहिन भएका छन् । कोरोना भाइरसको सन्त्रास र लकडाउँनले पीडित परिवारलाई थप पिडा थपिएको भन्दै नेता साहले उनीहरुलाइ तत्काल क्षतिपुर्ति दिनुपर्ने माग गरेका हुन् ।

‘रौतहटमा असिनाले व्यापक ताण्डव मचाएकोछ । कोरोना महामारी संगै महिनौ लकडाउनबाट पीडÞितहरू लगातार भिषण हावाहुरी र असिना पानीले हैरान छन । आज साँझ रौतहट जिल्लाको मुख्यत कटहरिया र गुजÞरा नगरपालिकामा भयंकर असिनाले ठुलो क्षति पुर्याएको छ’ साहले लेखेका छन्, ‘यसले गरिबहरुको घरको छाना ध्वस्त पार्नुको साथै किसानको आप, लिचि र मकै बालीमा ठुलो क्षति पूर्याएकोछ । यस संकटपुर्ण अवस्थामा पीडितहरुलाई तुरन्त राहत एवं क्षतिपुर्तिको व्यवस्था गर्न सरकारसंग माग गर्दछु ।’

विगत एक हप्ता यता निरन्तर हावाहुरी, असिना पानी आईरहेको छ । गरिव, किसान, श्रमजिवि वर्गका परिवार त्यसबाट बढी पीडित भएका छन् । त्यस्ता परिवारलाई संघीय, प्रदेश वा स्थानीय मध्ये कुनै सरकारले राहत, क्षतिपुर्ती उपलब्ध गराएका छैन् ।