सातै प्रदेशकै मुख्यमन्त्री काठमाडौंमा
कोरोना भाइरस रोकथामका बिषयमा सामान धारणा र योजना बनाउन सात प्रदेशकै मुख्यमन्त्री र सामाजिक विकासमन्त्री राजधानी काठमाडौं आइपुगेका छन् । प्रधानमन्त्री केपी शर्मा ओलीको निर्देशनमा स्वास्थ्यमन्त्री भानुभक्त ढकालले सात प्रदेशका मुख्यमन्त्री र स्वास्थको जिम्मा लिएका सामाजिक विकासमन्त्रीलाई काठमाडौं बोलाइएको हो ।
‘कोरोना भाइरस रोकथामका लागि छलफल गर्न मुख्यमन्त्री र सामाजिक विकासमन्त्रीलाई राजधानी बोलाएका छौ’ स्वास्थ्यमन्त्री ढकालले भने ‘एकीकृत कार्यक्रम बनाउन आज प्रधानमन्त्री कार्यालयमा छलफल गर्दैछौ ।’ दिउँसो १ बजे सिंहदरवारमा छलफल हुने भएको छ ।
सरकारले आन्तरिक तयार केही हदसम्म गरेपनि संक्रमित देशबाट आवत जावतको सीमा भने रोकेको छैन । उच्च संक्रमण भएको मुलुकबाट मानिसहरु आइरहेका छन् । केही उडानहरु कम गरेपनि विमान सेवा रद्द गरेको छैन । नेपालमा कोरोना भाइरसको रोकथामका लागि संघीय सरकारकै नीति अनुरुप प्रदेश सरकारले योजना बनाएका छन् । प्रदेशका लागि आवश्यक पर्ने बजेट पनि दिन सरकार तयार रहेको छ ।
