खतिवडाको राजीनामा स्वीकृत
अर्थमन्त्री डा.युवराज खतिवडाको राजीनामा स्वीकृत भएको छ । राष्ट्रपति बिद्यादेबी भण्डारीले उनको राजीनामा मंगलबार स्विकृत गरेकी हुन् । खतिवडाले राष्ट्रपति कार्यालय शितल निवासमा राजीनामा बुझाएका हुन् । अर्थमन्त्रीको राजीनामा पत्र बुझाउन मुख्यसचिव लोकदर्शन रेग्मी मंगलबार दिउँसो शितलनिवास पुगेका थिए।
आज राजीनामा दिएका खतिवडाले भोलि फेरि नयाँ अर्थमन्त्रीको रूपमा सपथ लिने छन् । राजीनामा बुझाएपछि खतिवडा प्रधानमन्त्रीलाई भेट्न त्रिवि शिक्षण अस्पताल पुगेका छन्। दुई वर्षअघि मन्त्रिपरिषद्को सिफारिसमा राष्ट्रपतिबाट राष्ट्रियसभा सदस्य नियुक्त भएका खतिवडाको कार्यकाल आज सकिएको छ।
संविधानअनुसार संघीय संसदको सदस्य नरहेको व्यक्ति पनि छ महिनासम्म मन्त्री हुन पाउँछन्। सोही व्यवस्थाअनुसार खतिवडा मन्त्री हुन लागेका हुन्।
