प्रधानमन्त्री ओलीकाे मिर्गाैला प्रत्याराेपण डा.ज्ञवालीकाे टिमले गर्ने
प्रधानमन्त्री एवम् नेपाल कम्युनिस्ट पार्टी (नेकपा)का अध्यक्ष केपी ओली आज अस्पताल भर्ना हुँदैछन् ।
ओलीकाे दोस्रो पटक मिर्गौला प्रत्यारोपण हुन लागेकाे छ । बुधबार महाराजगञ्जस्थित त्रिभुवन विश्वविद्यालय शिक्षण अस्पतालमा मिर्गाैला प्रत्यारोपण हुनेछ ।
प्रधानमन्त्री ओलीका प्रेस सल्लाहकार सूर्य थापाले प्रत्यारोपणका लागि भर्ना हुन सबै तयारी पूरा भएको जानकारी दिएका छन् ।
प्रधानमन्त्री ओलीको यसअघि ०६४ मा भारतको नयाँ दिल्लीमा मिर्गौला प्रत्यारोपण गरिएको थियो ।
शिक्षण अस्पतालले जनाएअनुसार प्रधानमन्त्री ओलीकाे मिर्गाैला प्रत्याराेपणका लागि शिक्षण अस्पतालका युराेलाेजी तथा मिर्गाैला प्रत्याराेपण शल्यक्रिया विभागका प्रा.डा. प्रेमराज ज्ञवाली नेतृत्वकाे टाेलीले शल्यक्रिया गर्नेछ ।
प्रत्याराेपण तयारीकै लागि दुई दिनअघि भर्ना गर्नुपर्ने चिकित्सककाे भनाइ छ । प्रधानमन्त्री ओलीकाे प्रत्याराेपण सामान्य रुपमा भए करीब पाँच दिन लाग्ने अस्पतालले जनाएकाे छ ।
प्रधानमन्त्री ओली अस्पताल भर्ना हुनुअघि आजै मन्त्रिपरिषद्को नियमित बैठक बस्नेछ ।
