बालुवाटारमा प्रधानमन्त्री ओलीको गोप्य छलफल, को – को गए भेटन
नेकपा अध्यक्ष एवं प्रधानमन्त्री केपी शर्मा ओलीले पनि आफु निकटका नेताहरुसँग छलफल थालेका छन् । अर्का अध्यक्ष पुष्पकमल दाहाल प्रचण्डसहित शीर्ष नेताहरुले आफुविरुद्ध घेराबन्दी गरेको वताउँदै आएका प्रधानमन्त्री ओलीले घेराबन्दी तोड्न बालुवाटारमा छलफल थालेका छन् ।
शनिवार ओलीले संसदीय दलका उपनेता सुवास नेम्वाड र परराष्टमन्त्री प्रदीप ज्ञवालीलाई बालुवाटारमा बोलाएर छलफल गरेका छन् । दैनिकजसो सचिवालय सदस्य इश्वर पोखरेलसँग सम्वाद गरिरहेका ओलीले महासचिव बिष्णु पौडेलसँग पनि धेरै पटक छलफल गरिसकेका छन् ।
सभामुख चयनदेखि वामदेव गौतमलाई राष्टियसभामा लिने निर्णय गर्दा ओली पार्टी सचिवालयमा अल्पमतमा परेका छन् । सभामुख चयनदेखि बनेकोे ओलीबिरुद्धको गठबन्धन कसिलो बन्दै गएको छ । ओलीले स्वइच्छाचारी निर्णय गर्न लागेको भन्दै अर्का अध्यक्ष पुष्पकमल दाहाल प्रचण्ड, वरिष्ठ नेता झलनाथ खनाल, माधव नेपाल, उपाध्यक्ष वामदेव गौतम र नारायणकाजी श्रेष्ठ एउटा कित्तामा उभिएका छन् भने ओलीका पक्षमा उपप्रधानमन्त्री इश्वर पोखरेल छन् ।
म्हासचिव पौडेल ओली समुहका नेता भएपनि वामदेव गौतमलाई राष्टियसभामा लिन सचिवालयको निर्णय कार्यान्वयन गराउने पक्षमा छन् । तर ओली भने तत्काल गौतमलाई राष्टियसभामा लिने पक्षमा छैनन् । गौतमको ठाउँमा अर्थमन्त्री खतिवडालाई लिने पक्षमा उभिरहेका छन् ।
पार्टीको शीर्ष नेतृत्व दुई कित्तामा विभाजन भएपछि वरिष्ठ नेता माधव नेपालले विवाद घटाउन र समस्याको हल खोज्न निकै दौडधुप थालेका छन् । पार्टी सचिवालयको निर्णय कार्यान्वयन गराउने पक्षमा दृढरुपमा उभिएका नेपालले प्रधानमन्त्री ओलीलाई मनाउने प्रयास थालेका छन् । तरपनि नेता नेपालको प्रयास सफल भइसकेको छैन ।
