गगन थापाले भने अर्थमन्त्रीसँग बहस गर्न तयार छु
पुस्तक करका बिषयमा अर्थमन्त्री युवराज खतिवडाले भनाईलाई नेपाली कांग्रेस नेता गगन थापाले प्रतिवाद गरेका छन् । सुचना तथा सञ्चारमन्त्रीको समेत जिम्मेवारी समाल्दै आएका खतिवडाले पुस्तकमा कर लगाएको तर ज्ञानमा कर नलगाएको बताएका थिए ।
सरकारका निर्णय सार्वजनिक गर्दै मन्त्री खतिवडाले पुस्तकमा लगाइएको कर नहटाउन र यसका बिषयमा आफु जहाँ पनि बहस गर्न तयार रहेको बताएका थिए । ‘पुस्तकमाथी लागेको कर हट्दैन, रु यस बिषयमा बहस गर्न म तयार छु’ अर्थमन्त्री खतिवडाले भनेका थिए ।
खतिवडाको भनाईलाई प्रतिवाद गर्दै कांग्रेस नेता गठन थापाले अर्थमन्त्री खतिवडालसँग बहस गर्न आफु तयार रहेको प्रतिक्रिया दिएका छन् । सामाजिक सञ्जाल ट्वीटरमा उनले ‘बहस गर्न कहाँ आउँ ?’ भन्दै अर्थमन्त्रीलाई प्रश्न समेत गरेका छन् ।
‘विद्धान अर्थमन्त्रीज्यूले भन्नुभएछ– पुस्तकमा कर लगाएको हो, ज्ञानमा होइन, करको विषयमा बहस गर्न तयार छु । मन्त्रीज्यू हामी पनि तयार छौं,’ उनले ट्वीटरमा लेखेका छन् ‘बहस कहाँ गरौं–संसदमा, विश्वविद्यालयमा वा माइतीघर मण्डलामा ?
