मैले रवीन्द्र अधिकारीलाई शुभयात्रसम्म भन्न पाइँन : विद्या भट्टराई
तत्कालीन संस्कृति तथा पर्यटनमन्त्री रवीन्द्र अधिकारीको हेलिकप्टर दुर्घटनामा परि मृत्यु भएको बिहिबार एक वर्ष पुगेको छ । गत वर्ष फागुन १५ गते ताप्लेजुङको चुहान डाँडामा हेलिकप्टर दुर्घटनामा परी तत्कालीन मन्त्री अधिकारीसहित ७ जनाको मृत्यु भएको थियो । एक अन्र्तवार्तामा बोल्दै स्वर्गीय रवीन्द्र अधिकारीकी पत्नी प्रदेश सांसद विद्या भट्टराईले यो एक वर्ष आफ्नो लागि अत्यन्तै कष्टकर भएका बताएकी छिन् ।
विद्याले भनिन् ‘संसारका सबैभन्दा धेरै मायाँ गरेको मान्छे रवीन्द्र हो’ । निर्वाचनमा जाने समयमा पनि आफूले रवीन्द्रको धेरै साथको अभाव महशुस गरेको उनको भनाई रहेको थियो । आज पनि परिवारका सबैजना जम्मा हुँदा उहाँको अभाव सधै खड्किरहन्छ उनले भनिन् । विद्याले गत फागुन १५ गतेको दिनलाई यसरी स्मरण गरिन् , ‘त्यो दिन मलाई आज पनि कहाली लाग्छ । म त्यो दिन पनि काममा दिएँ म काममा भएका बेलामा केहि अपुष्ट समाचार आए । मलाई फोन आउन थाले फोनमा एकजनाले अपुष्ट समाचार प्राप्त भएको छ म पनि बुझ्छु तपाई पनि नआत्तिकन बुझ्नुस म पनि बुझ्छु भन्नु भयो । मलाई डर लागेर मैले फेसबुक पनि खोलेर हेर्न सकिन । साँझ पाँच बजेका घटनाको पुष्टि भयो’ ।
‘त्यो दिन बिहान म शारिरिक व्यायम गर्दै थिएँ । उहाँ बिहानै उठ्नु भयो । अनि उहाले म दिउँसो आउछु संगै खाजा खाउँला भन्नुभएको थियो । सधै उहाँ बाहिर जाने समयमा शुभयात्रा भन्ने गरेकीँ थिए तर त्यो दिन शुभयात्रा पनि भन्न पाइँन । आज पनि रवीन्द्र हुनुहुन्न भनेर भन्दा मलाई धेरै गा¥हो हुन्छ त्यसैले आज पनि संगै हुनुहुन्छ भनेर भ्रममा बाँचिरहेकी छु’ ।
