अर्थमन्त्री खतिवडाको जागीर चट्
अर्थमन्त्री युवराज खतिवडाको सांसद अवधि सकिन अब एक साता मात्र बाँकी छ । राष्टिय सभाको सदस्यबाट २० फागुनमा हट्दै गरेका खतिवडालाई थप ६ महिना मन्त्री बहाल गराउने कि सांसदसँग मन्त्री पदबाट विदा दिने ? नेकपाभित्र अहिले जवरजस्त छलफल चलिरहेको छ ।
प्रधानमन्त्री केपी शर्मा ओली खतिवडालाई थप ६ महिना मन्त्री बनाउने पक्षमा छन् । आगमी बजेट पनि खतिवडाबाटै ल्याउने उनको मनसाय छ । तर प्रधानमन्त्री ओलीको मनसायमा नेकपाका बहुमत सचिवालय सदस्यहरु सहमत छैनन् । खतिवडालाई २० फागुनमै विदा दिएर सुरेन्द्र पाण्डेलाई अर्थमन्त्री बनाउने पक्षमा अध्यक्ष पुष्पकमल दाहाल प्रचण्ड र वरिष्ठ नेता माधव नेपाल छन् ।
खतिवडाले पनि सांसद पद सकिएको ६ महिनासम्म मन्त्री बन्ने गरी दौडधुप थालेका छन् । तर नेकपा सचिवालयका ६ नेता उनका पक्षमा छैनन् । विगत २ बर्षमा उनले कम्यूनिष्ट आचारणअनुसारको बजेट ल्याउन नसकेको निस्कर्ष दाहाल नेपालले निकालेका छन् । २० फागुनमा खतिवडालाई विदा दिने र सुरेन्द्र पाण्डेलाई अर्थमन्त्री बनाउने प्रस्ताव दाहाल नेपालले सचिवालय बैठकमा गरिसकेका छन् ।
अर्थमन्त्री खतिवडा अर्थबिद् हुन् । तर राजनीतिक अर्थशास्त्रमा भने उनी फेल भएका छन् । खतिवडालाई २० फागुनमै विदा दिन ब्यवसायीहरुले पनि लविड थालेका छन् । उनकै कारण शेयर बजारमा नकारात्मक प्रभाव परेको भन्दै चर्काे आलोचना पनि हुँदै आएको छ ।
प्रधानमन्त्री ओली खतिवडालाई नै फेरी राष्टिय सभा सदस्यमा मनोनित गर्ने पक्षमा थिए । दाहाल नेपालले खतिवडाको ठाउँमा बामदेव गौतमको नाम प्रस्ताव गरेपछि ओली संकटमा परेका छन् । गौतमलाई छोडेर खतिवडा बोक्न ओलीलाई संकट परेको छ ।
राष्टिय सभामा फेरी मनोनित गर्न नसकेपनि ६ महिना अर्थमन्त्री बनाउने पक्षमा ओली थिए । तर दाहाल नेपालसहित सचिवालयका ६ नेताले खतिवडाको विरोध गरेका छन् । खतिवडालाई २० फागुनमै विदा दिने गरी आगमी सचिवालय बैठकमा प्रस्ताव लिने तयारी गरिएको छ ।
प्रधानमन्त्री ओलीका मन्त्रीपरिषदमा बलिया सारथी गोकुल बास्कोटा बाहिरिसकेका छन् । अर्का सारथी खतिवडा पनि बाहिरिए ओली कमजोर पर्ने निश्चित छ । खतिवडालाई ६ महिना थप्ने प्रस्तावका पक्षमा प्रधानमन्त्रीले अडान लिएपनि बहुमतका अगाडी उनी संकटमा पर्ने निश्चित छ ।
