वामदेव गौतम प्रधानमन्त्री बन्ने पक्का
राष्ट्रियसभाबाट पनि प्रधानमन्त्री बन्ने बाटो खोल्न सत्तारुढ दल नेकपाले संविधान संशोधनका लागि कार्यदल बनाएको छ । शनिवार प्रधानमन्त्री निवास बालुवाटारमा बसेको नेकपा सचिवालय बैठकले पूर्वप्रधानमन्त्री एवं नेकपा वरिष्ठ नेता माधवकुमार नेपालको नेतृत्वमा संविधान संविधान संशोधन सम्बन्धी कार्यदल बनाएको छ ।
नेकपा उपाध्यक्ष बामदेव गौतमलाई राष्ट्रिय सभामा मनोनित गर्ने र त्यहीबाट भावी प्रधानमन्त्री बनाउने छलफल नेकपाभित्र चलिरहेको छ । केही महिनाअघि गौतम निवास भैसेपाटीमा भएको नेकपाको गुट भेलाले राष्ट्रिय सभाबाट पनि प्रधानमन्त्री बन्न सक्ने गरी संविधान संशोधनको निर्णय गरेको थियो । गौतमलाई भावी प्रधानमन्त्री बनाउन नेकपा अध्यक्ष पुष्पकमल दाहाल प्रचण्डले दौडधुप थालेका छन् । गौतमलाई प्रधानमन्त्री बनाउन संविधान संशोधनको तयारी गरिएको छ ।
नेकपा सचिवालयले बनाएको कार्यदलको संयोजक वरिष्ठ नेता माधवकुमार नेपाल छन् भने सदस्यमा नेकपा संसदीय दलका नेता सुवास नेम्वाङ र खिमलाल देवकोटा सदस्य रहेका छन् । संविधान संशोधनको गृहकार्य गर्न कार्यदल बनाइएको हो । राजपा नेपालका केही माग सम्वोधन गर्ने र गौतमलाई राष्ट्रिय सभाबाट प्रधानमन्त्री बनाउने गरी कार्यदलले काम गर्ने भएको छ ।
राष्ट्रिय सभामा गौतमलाई लिएर भावी प्रधानमन्त्री बनाउने बिषयमा नेकपा अध्यक्ष दाहालले शनिवार राष्ट्रपति विद्यादेवी भण्डारीसँग छलफल गरेका छन् । राष्ट्रपति भण्डारीले पनि ग्रिन सिग्नल दिएपछि संविधान संशोधनको तयारी थालिएको हो ।
