रक्षामन्त्री पुगे कालापानी र लिपुलेक, मोदीले के भने



 

उपप्रधान तथा रक्षामन्त्री ईश्वर पोखरेल र प्रदेश तथा संघीय संसद्का सांसद्हरू त्रिदेशीय (नेपाल, भारत र चीन) को सिमाना कालापानी, लिपुलेकको अनुगमनमा निस्किएका छन् ।

दार्चुला महोत्सव उदघाटनका लागि आइतबार त्यहाँ पुगेका उपप्रधानमन्त्री पोखरेल सोमबार बिहान त्रिदेशी सीमाक्षेत्र कालापानी, लिपुलेक, टिंकर भञ्ज्याङको अनुगमनमा गएका हुन् ।

उनीसँगै प्रतिनिधिसभाका सांसद् गणेश ठगुन्ना, सुदूरपश्चिम प्रदेशकी उपसभामुख निर्मला बडाल जोशी, प्रदेश सांसद् मानबहादुर धामी,  गेल्बु सिंह बोहोरा, सुरक्षा निकायका अधिकारीलगायत सीमाक्षेत्र अनुगमनमा गएको दार्चुलाका प्रमुख जिल्ला अधिकारी (प्रजिअ) यदुनाथ पौडेलले  जानकारी दिए ।

प्रजिअ पौडेलका अनुसार, महोत्सव उद्घाटनका लागि दार्चुला पुगेका उपप्रधानमन्त्री पोखरेल आइतबार राति त्यहाँस्थित दुर्गा दल गणमा बसेका थिए । निर्धारित कार्यक्रमअन्तर्गत पोखरेल सोमबार बिहान ८:१५ बजे व्यासक्षेत्रको अनुगमन निस्किएको पौडेलले बताए । व्यास क्षेत्रअन्तर्गत कालापानी, लिपुलेक, टिंकर भञ्ज्याङलगायतका त्रिदेशीय सीमाक्षेत्र पर्छन् । कालापानी, लिपुलेकलगायत क्षेत्र भारतले आफ्नो नक्सामा पारेपछि केही समयदेखि यो विषय चर्चामा छ ।

सरकारले कूटनीतिक प्रयासबाट नेपाल-भारतबीचको सीमा विवाद हल गर्ने बताए पनि ठोस प्रगति हुन सकेको छैन । यहीबीच, उच्चस्तरबाट यो क्षेत्रको अनुगमन भएको हो ।

दार्चुलाका प्रजिअ पौडेलका अनुसार, पोखरेलले सुरक्षा पोस्ट राख्ने स्थानबारे पनि जानकारी लिने कार्यक्रम छ । यसअघि मन्त्रिपरिषद्ले व्यासक्षेत्रको छाङ्मा सुरक्षा पोस्ट राख्ने निर्णय गरेको थियो । यद्यपि, अहिले यो क्षेत्रमा हिउ परेकाले हिउ निख्रिएपछि मात्रै राख्ने तयारी छ ।

आइतबार जिल्लाका कार्यालय प्रमुखलगायतसँग जिल्लाको वस्तुगत अवस्थाबारे जानकारी लिएका पोखरेलले त्यहाँबाट फर्किएपछि छलफलकै श्रृंखलालाई निरन्तरता दिँदै छन् । जसअन्तर्गत पार्टी कार्यकर्ता तथा जनप्रतिनिधिसँग छलफल गर्ने तय भएको जनाइएको छ । रक्षामन्त्री पोखरेल सोमबार काठमाडौं फर्किँदैछन् ।

प्रतिक्रिया दिनुहोस
प्रधानमन्त्रीलाई विश्वासको मत दिन्छौं : माधव नेपाल

     एकीकृत समाजवादीका अध्यक्ष माधवकुमार नेपालले प्रधानमन्त्रीलाई विश्वासको मत दिने बताएका छन्

नेप्से- ४५ अंकले वृद्धि, सवा ५ अर्ब कारोबार

    शेयर बजारमा रौनक फर्किएको छ । बजार साताकाे पहिलाे कराेबार दिन

अपाङ्गता भएका सम्पूर्ण व्यक्तिको स्वास्थ्य बिमा गराउने तयारीमा छौँ : मन्त्री चौधरी

    महिला, बालबालिका तथा ज्येष्ठ नागरिक मन्त्री भगबती चौधरीले अपाङ्गता भएका सम्पूर्ण

ट्राफिक प्रहरीको हत्यामा संलग्न ७ आरोपी सार्वजनिक

  ट्राफिक प्रहरी प्रभाग, दरबारमार्गमा कार्यरत प्रहरी जवान युवराज घिमिरेको हत्यामा संलग्नलाई समात्न