दिल्लीमा गान्धी र मोदी पत्तासाफ, आम आदमीलाई दुईतिहाइ
दिल्ली विधानसभा निर्वाचनमा आम आदमी पार्टीले लगभग दुईतिहाई बहुमत ल्याउने निश्चित भएको छ । ७० सिटका लागि भएको निर्वाचनमा आम आदमी पार्टीले ६० भन्दा बढी स्थानमा जित दर्ज गर्ने निश्चित भइसकेको छ ।
७ बर्षअघिसम्म दिल्लीमा राज चलाएको कांग्रेसको शर्मनाक पराजय हुने भएको छ । हालसम्मको नतिजाअनुसार कांग्रेसले एक सिट पनि नजित्ने लगभग निश्चित भइसकेको छ । आम आदमी पार्टीका उम्मेदवारहरु धमाधम बिजयको पाला लगाइरहेका बेला कांग्रेस उम्मेदवारको मत भने पुछार तिर देखिन थालेको छ ।
पछिल्लो नतिजाअनुसार आम आदमी पार्टी ६३ स्थानमा अघि छ भने भारतीय जनता पार्टी जम्मा ७ स्थानमा अघि छ । अर्काे प्रतिस्पर्धी पुरानो दल कांग्रेस भने एक स्थानमा पनि अघि छैन ।
भारतीय प्रधानमन्त्री नरेन्द्र मोदीको पार्टी भाजपाको पनि पत्तासाफ भएको छ । बहुमत ल्याउने र दिल्लीमा प्रदेश सरकार बनाउने मोदीको घोषणा पूर्वतया असफल सावित भएको छ । दिल्लीका मुख्यमन्त्री अरविन्द केजरीवाल फेरी सोनिया गान्धी र नरेन्द्र मोदीमाथी हावी भएका छन् ।
मोदीको पार्टीेले लगभग ५ सिट मात्र जित्ने देखिएको छ । अन्य सवै सिटमा पराजय हुने भएको छ । मोदीलाई दिल्लीले फेरी एकपटक झट्का दिएको छ ।
