प्रधानमन्त्रीले बाँसुरी, खनाल र नेपालले सारङ्गी बजाएपछि सबै तिनछक
गत आइतबार नेकपाका केन्द्रीय सदस्य र सांसदलाई ‘डिनर’ को आयोजना गरेका प्रधानमन्त्री एवं नेकपा अध्यक्ष केपी शर्मा ओलीले मंगलबार भने ‘सारंगी साँझ’को आयोजना गरे । उक्त कार्यक्रममा प्रधानमन्त्री ओली पनि सहभागी भए । प्रधानमन्त्री निवास बालुवाटारमा मदन भण्डारी कला साहित्य प्रतिष्ठान र नेपाल सङ्गीत तथा नाट्य प्रज्ञा प्रतिष्ठानको सहकार्यमा आयोजित नेपाली मौलिक बाजा र धुनहरुको ‘सारङ्गी साँझ’ मा उनि सहभागी भएका हुन् ।
सो अवसरमा प्रधानमन्त्री ओलीले सारङ्गी र बाँसुरी बजाएको। कला प्रतिष्ठानका महासचिव डा.देवी नेपालले जानकारी दिए । ‘‘पहिले उनले एक्लै सारङ्गी बजाएका थिए’’, डा नेपालले भने, ‘‘त्यसपछि पूर्वप्रधानमन्त्रीद्वय झलनाथ खनाल र माधवकुमार नेपालले सारङ्गी र प्रधानमन्त्री ओलीले बाँसुरी बजाएका थिए ।’’
डा.नेपालले प्रधानमन्त्री, मन्त्रीगणलाई मौलिक बाजा र धुनको संरक्षण गर्नुपर्दछ भन्ने सन्देश दिनका लागि कार्यक्रम आयोजना गरिएको जानकारी दिए । पूर्वको लिम्बू जातिको पालमदेखि सुदूरपश्चिम प्रदेशको देउडासम्मकोे १० प्रकारका धुन सो अवसरमा बजाइएको थियो ।
नाट्य प्रष्ठिानका करिब ३० कलाकारले विभिन्न बाजाको धुन बजाउनुभएको थियो । धुनको संयोजन नाट्य प्रतिष्ठानका प्राज्ञ सदस्य अशोक राईले गरेका हुन् । फोटो समाजिक संजालबाट
