एमसीसी पास हुन्छ : सरकारका प्रवक्ता
सरकारका प्रवक्ता गोकुलप्रसाद बाँस्कोटाले एमसीसीमा अलमल नगरिने बताएका छन् । ‘उपनिवेश लाद्ने गरी आयो भने कुरा बेग्लै हो । ती चिज आएकै छैनन् भने कसले के के देख्नुभएको छ, के के होला, बुझाइको दोष होला । हामी अलमलिन चाहँदैनौं’, मन्त्रिपरिषद् बैठकको निर्णय सार्वजनिक गर्न आयोजित पत्रकार सम्मेलनमा उनले भने, ‘प्रधानमन्त्रज्यूले पनि बडो सुस्पष्ट भन्नुभएको छ– यो पास गर्ने हो, पास हुन्छ । केन्द्रीय कमिटी (नेकपा केन्द्रीय कमिटी)ले पास गर्छ । यत्ति हो कुरा ।’
उनका अनुसार एमसीसी एउटा परियोजना मात्र हो । ‘दुई देश (अमेरिका र भारत)ले १ खर्ब दिँदै छन् । त्यसलाई हामीले सदुपयोग गर्ने हो’, उनले भने, ‘भारतले पनि १ खर्ब त भनेको छ । उसको ७५ अर्ब ऋण हो, त्यो पनि लिने हो किनभने पुनर्निर्माणको काम जारी छ । हामीसँग एक वर्ष मात्रै बाँकी छ ।’ एमसीसी कार्यान्वयन प्रक्रियामा गइसकेको उनले बताए ।
