मानवतस्करीका आरोपी अम्बिर गुरुङ राज्यमन्त्री



 

 

पासपोर्टमाफोटो चेन्ज (पीसी) गरी यूरोपदेखि अमेरिकासम्म मानवतस्करी गरेर अकूत सम्पत्ति आर्जन गरेका अम्बिर गुरुङलाई १ नम्बर प्रदेश सरकारले भौतिक पूर्वाधार विकास राज्यमन्त्री नियुक्त गरेको छ । अम्बिर गुरुङ र एलिजा थापा मिलेर ५० को दशकमा सयौं नेपालीलाई पीसी गरी यूरोप र अमेरिका पठाएका थिए । कुपण्डोलको पुलसँगै गुरुङसहित पूर्व एआइवी विज्ञान शर्माका भाइ दयाशर्मा, बिष्णु जोशी, दीपक मल्होत्राहरुले मितेरी रेष्टुरेन्ट खोलेका थिए । त्यतिबेला त्यो रेष्टुरेन्टमा सुनदेखि डलर र मानव तस्करीको सेटिङ हुने गरेको समाचार पनि पत्रपत्रिकाले लेखेको पुराना अभिलेख खोज्ने हो भने अहिले पनि फेलापार्न सकिन्छ । एलिजा थापा र गुरुङले अध्यागमन कार्यालय एयरपोर्टका कर्मचारीसँग सेटिङ गरी पीसी गरी मानव तस्करी गरेका समाचार त झन् पटक पटक समाचारका बिषय बन्ने गरेकाथिए ।

 

सुनदेखि पीसीबाट मानवतस्करी गरी रातारात धनी भएका गुरुङले २०७४ को निर्वाचनमा एमाले ओखलढुुंगाबाट प्रदेश सभा सांसदको टिकट लिएकाथिए । राजनीतिमा गुरुङ जस्ता बदनाम पात्रको प्रवेश गराएर अहिले उनलाई राज्यमन्त्री बनाइएको चर्चा नेकपा बृत्तमा छ ।

 

ओखलढुंगाको रुम्जाटारका गुरुङ मानव तस्करी देखि अबैध सुन कारोबारबाट नवधनाढ्य भएका ब्यक्ति हुन् । टोले गुण्डाको सम्पत्ति छानबिन गर्ने सम्पत्ति शुद्धिकरण अनुसन्धान विभागले अम्बिर गुरुङ जस्ताको कालोधनको बारेमा चासो नै राख्ने गरेको छैन । उनले धेरैको रकम विदेश पठाइदिने भनेर पचाएर नवधनाढ्य भएकाहुन् । नेकपाका पुराना नेताका छोराको करोड रुपैयाँभन्दा बढी यिनले बर्षौदेखि तिरेका छैनन् । कयौं सर्वसाधारणको घरजग्गा थाहा नै नपाई बैंकमा राखेर पैसा लिने र लिलाम गराइदिएका कारण धेरैको उठीबास गराइदिएका छन् । कतिको बैंकमाधितो राख्ने भनेर मालपोतका कर्मचारीसँग मिलेर दृष्टिबन्धक राख्न लैजाँदा पास नै गरेर हत्याएको आरोप उनीमाथि छ ।

 

मन्त्रीदेखि मुख्यमन्त्रीसम्म पहुँच भएका गुरुङ घरमै प्रहरीका आइजीपी लाई बोलाएर खानपान गर्ने हैसियत राख्छन् । उनले तस्करीदेखि सर्वसाधारण जनताका घरजग्गा हडपेर आर्जित अकूत सम्पत्तिबाट चावहिलबाट जाँदाओम अस्पतालेखि पारीपटिट् रिजेन्सी टावरदेखि थुप्रै ठाउँमा घरजग्गाखरिद गरेका छन् ।

 

राजनीतिलाई भ्रष्टीकरण गर्र्ने कार्य दलहरुले गुरुङ प्रवृत्तिलाई बढावा दिएर गरेका छन् । कांग्रेसको गढ ०७० मै भत्काएर ओखलढुंगाबाट २ पटक जितेका संघीय सांसद यज्ञराज सुनुवारलाई नेकपाले मन्त्रीबनाएको छैन । तर कालोधनको बलमा पार्टी नेतासँग निकट भएर टिकट लिनेलाई मन्त्रीमा बिराजमान गराएर सुनुवार जस्ता मूल्य र मान्यतामा आधारित राजनीति गर्नेहरुको तेजोबध गर्ने काम नेकपाले गरेको छ । माधव नेपालनिकट भनेर सुनुवार जस्ता नेतालाई पाखा पार्नका लागि गुरुङ प्रवृत्तिलाई राज्यमन्त्री नियुक्त गरिएको छ । अब ओखलढुंगामा पैसाको बलमा अम्बिर गुरुङ जस्ता पात्रलाई स्थापित गरी सुनुवारलाई विस्थापन गर्ने रणनीतिले  राज्यमन्त्री बनाइएको नेकपा ओखलढुंगाका एक नेता बताउँछन् । राजनीतिलाई अपराधीकरण तर्फ लाने काम यस्तै प्रवृत्तिलाई पुरस्कृत गर्दा हुन्छ भन्ने कुरा नेकपा नेतृत्वले बुझ्न नसकेको नेताहरु नै स्वीकार्छन् ।

 

त्यसो त भीम  आचार्यलाई मुख्यमन्त्रीमा हराउन र शेरधन राईलाई जिताउन सांसद खरिद बिक्रीकालागि रकमको जोहो गरेबापत पनि  उनलाई राज्यमन्त्रीमा पुरस्कृत गरिएको एकथरीको भनाइ छ । राईलाई मुख्यमन्त्रीमा   जिताउनका लागि उनले माधव नेपाल पक्षका ३ भन्दा बढी सांसद खरिदका लागि लगानी गरेकाथिए । १ नम्बर प्रदेशमा माधव नेपाल पक्षको स्पष्ट बहुमत हुँदाहुँदै पनि सांसद खरिदबिक्री भएकाले आचार्य मुख्यमन्त्रीमा पराजीत भएकाथिए । गुरुङकै पहलमा ३ सांसदका लागि ३५ लाखका दरले बजेट बिनियोजन गरिएको कुरा पनि मिडिया  मार्फत् सार्वजनिक भएको थियो । साँघु साप्ताहिकबाट

 

प्रतिक्रिया दिनुहोस
एमालेको राष्ट्रिय महिला भेलाको तयारी पूरा

    नेकपा (एमाले) जनसंगठन समन्वय संयन्त्रको आयोजनामा यही जेठ १६ र १७

काठमाडौंमा नेपाली कांग्रेसको सरकारविरुद्ध प्रदर्शन

    नेपाली कांग्रेसले आइतबार काठमाडौंमा सरकारविरुद्ध प्रदर्शन गरेको छ । सहकारी ठगी

फार्म हाउस होटल र प्रभु बैंकबीच विशेष छुट सम्झौता

        आन्तरीक तथा बाहृ पर्यटनको प्रशस्त सम्भावना बोकेको साहसी पदमार्गीहरु

अर्थमन्त्रीले संसदमै बजेट पढ्नुहुन्छ : प्रमुख सचेतक बर्तौला

    सत्तापक्षले प्रतिपक्षीको अवरोध जारी रह्यो भने पनि संसदबाटै बजेट ल्याउने तयारी