अग्नी सापकोटाका : संसदबाट सभामुख घोषणा, सर्वाेच्च अदालतमा सुनुवाई
सभामुखमा निर्विरोध भएका नेकपा स्थायी कमिटीका सदस्य अग्नीप्रसाद सापकोटाका लागि आज दुई संयोग परेका छन् । प्रतिनिधिसभाबाट आज सभामुखमा घोषणा हुँदैछन् भने सर्वाेच्च अदालतमा उनीबिरुद्धको रिटमा सुनुवाई हुँदैछ ।
चौतर्फी विरोधका बाबजुत सापकोटा नेपालको नयाँ सभामुख बन्दैछन् । तर उनीमाथी काभ्रेका अजुृन लामोको अभियोग छ । सापकोटाले सभामुखमा उम्मेदवारी दिएलगतै माइतिघरमा प्रर्दशन भइरहेको छ भने वरिष्ठ अधिबक्ता दिनेश त्रिपाठीले सर्वाेच्च अदालतमा रिट दायर गरेका छन् । रिटको सुनुवाई आज हुँदैछ । रिटमा अन्तरिम आदेश मात्र पनि आयो भने सापकोटाका लागि नैटिक संकट आउनेछ ।
उता सापकोटा आज प्रतिनिधिसभाबाट सभामुखमा घोषणा हुँदैछन् । उनी बाहेक अरु कसैको उम्मेदवारी नपरेपछि आज दिउँसो ३ बजे बस्ने प्रतिनिधिसभाबाट सभामुख चयन हुँदैछन् । आजै नै सपथ लिने र पदभार ग्रहण गर्ने तयारी पनि गरिएको छ । सर्वाेच्च अदालतको आदेशले कुनै फरक नपारे उनी देशको नयाँ सभामुख हुनेछन् ।
