नेपाली र अमेरिकी सेनाबीच संयुक्त सैन्य अभ्यास
एमसिसिका बिषयमा नेपालभित्र चर्काे बहस भइरहेका बेला नेपाली र अमेरिकी सेनाबीच एक महिना लामो संयुक्र अभ्यास हुने भएको छ । काठमाडौंमा आगमी फागुन ५ देखि नेपाली र अमेरिकी सेनाबीच संयुक्त अभ्यास हुने स्रोतले बताएको छ । नेपाल र अमेरिकी सेनाबीच यअसघि पनि संयुक्त सैन्य अभ्यास भइसकेका छन् ।
काठमाडौंका दुई स्थानमा संयुक्त सैन्य अभ्यास हुने भएको छ । नेपाल आर्मीको छाउनी ब्यारेक र भक्तपुरको नगरकोटमा संयुक्त अभ्यास गर्ने नेपाली सेनाको एक उच्च अघिकृतले बताए । लामो समयको छलफलपछि दुई देशका सेनाबीच संयुक्त अभ्यास हुन लागेको हो । संयुक्त अभ्यासका लागि नेपाली सेनाले नेपाल सरकारको अनुमति लिइसकेको छ ।
संयुक्त अभ्यासमा ३६ नेपाली सेना र ९ अमेरिकी सेना सहभागी हुनेछन्। एक महिना अभ्यासका क्रममा नेपाल र अमेरिकाका सेनाबीच अन्तर्राष्ट्रिय मानवीय कानुन, घाइतेको उद्धार र सहरी विद्रोह नियन्त्रणमा अभ्यास हुने ति अधिकृतले बताए ।
