पौडेल र प्रचण्डबीच भेटवार्ता, उपसभामुख कांग्रेसलाई दिने गोप्य तयारी
नेपाली कांग्रेसका वरिष्ठ नेता रामचन्द्र पौडेलले उपसभामुखका लागि सत्तापक्षिय नेताहरुसँग सम्वाद थालेका छन् । सत्तारुढ दल नेकपाले उपसभामुख पद प्रमुख प्रतिपक्ष दल नेपाली कांग्रेसलाई नदिने संकेत गरिरहेका बेला बरिष्ठ नेता पौडेलले भेटघाट थालेका छन् ।
मंगलबार विहान नेकपा अध्यक्ष पुष्पकमल दाहाल प्रचण्ड निवास खुमलटार पुगेका पौडेलले उपसभामुख पद कांग्रेसलाई दिन आग्रह गरे । पहिलो दलले सभामुख लिए दोस्रो दललाई उपसभामुख दिन आग्रह गरेको खुमलटार स्रोतले बताएको छ । संसदभित्र सहमतिय वातावरण बनाउन र सहमतिय राजनीतिको संस्कारलाई बचाउन पौडेलले दाहाललाई आग्रह गरेका छन् ।
कांग्रेसले उपसभामुख पाए पुष्पा भूसाल हुने लगभग निश्चित छ । भूसाल वरिष्ठ नेता पौडेल समुहकि नेतृ हुन् । तर दाहालले पौडेलको प्रस्तावलाई तत्कालै स्वीकार गरेका छैनन् । ‘पार्टीभित्र छलफल गरेर म तपाईलाई जवाफ दिन्छु’ पौडेललाई दाहालले भने ‘तपाईको प्रस्तावमा म सकारात्मक छु तर पार्टीले जे निर्णय लिन्छु त्यही हुन्छ ।’
दाहालसँगको भेटपछि नेपाली कांग्रेसले विश्वासको वातावरण बनाउन सभामुखमा उम्मेदवारी दिएको छैन । दाहालका विश्वास पात्र अग्नी सापकोटा भावी सभामुख बन्दैछन् । उपसभामुखका लागि कांग्रेसले सभामुखमा उम्मेदवार खडा गरेको छैन । दाहाललाई विस्वास दिलाउन कांग्रेसले उम्मेदवार खडा नगरेको कांग्रेस नेताहरु नै बताउन थालेका छन् ।
