अध्यक्ष प्रचण्डले भने विप्लव पनि नेकपामा आउनुहुन्छ
नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले विप्लव समूह एकदिन आफ्नो बाटो पहिल्याएर फर्केर आउने बताएका छन् ।
शनिबार काठमाडौमा विप्लब समूहका पोलिट्व्युरो सदस्य मोहन कार्की र ताम्सालिङ् इन्चार्ज सीता कार्कीलाई नेकपामा प्रवेश गराउँदै उनले मूल पार्टीमा समाहित हुन आग्रहसमेत गरेका छन् ।
विप्लवको अहिलेको बाटो गलत भएको भन्दै प्रचण्डले ठूलो क्षति हुनु अगावै सोचेर उचित कदम चाल्नुपर्ने बतााए । समाजवाद आफ्नो पार्टीको लक्ष्य भएको भन्दै समाजवादको कार्यदिशामा केन्द्रीत हुनका लागि पनि उनले आग्रह गरे । अध्यक्ष दाहालले कम्युनिष्ट एकता भएपछि मात्रै मुलुकमा समृद्धि आउने बताए ।
कम्युनिष्ट पार्टीको एकताबाट राजनीतिक स्थायीत्व भएपनि जनचाहना अनुसारको काम गर्न नसकिएको उनको भनाइ थियो । जनयुद्ध र शान्तिप्रक्रियापछि विभाजित भएकाहरूलाई पुनः पार्टीका आउन आग्रहसमेत गरे।
‘भोलिका दिनमा नेत्रविक्रम चन्द विप्लव पनि आउनुहुन्छ भन्ने लाग्छ। अहिले जो चुलो चौको राखेर बसेको छन् पछि जोडिन अवश्य आउँछन्’ उनले भने।
