अख्तियारले पक्राउ गर्ने भएपछि गच्छदारको निद हराम
प्रमुख प्रतिपक्षी दल नेपाली कांग्रेस पार्टीभित्र आन्तरिक किचलो भईरहेकै समयमा पार्टीका उपसभपति बिजयकुमार गच्छदार भने अर्कै तनावमा देखिएका छन् । उनी यतिबेला बहुचर्चित बालुवाटारस्थित ललिता निवास जग्गा प्रकरणमा मुछिने तनावले बिछिप्त रहेको उनीनिकट श्रोतले बताएको छ ।
अख्तियारले यो प्रकरणको छानबिनलाई अन्तिम चरणमा पुर्याएसँगै उनको नाम बाहिर आएको छ । उनी यस जग्गा प्रकरणमा तानिने लगभग निश्चितजस्तै भएको श्रोतको दाबी छ । दीप बस्नेतसहित अन्य व्यक्तिको समेत यसमा संलग्नता भेटिएपछि अख्तियारले यसमा केही दिनभित्रै ठोस निर्णय लिने तयारी गर्दैछ । जसले गर्दा गच्छदार आत्तिन थालेका छन् ।
यसबाट बच्नको लागि आफ्नै पार्टीभित्र पनि हारगुहार गरिरहेका छन् । यसै विषयलाई लिएर सत्तारुढ नेपाल कम्युनिष्ट पार्टीका अध्यक्ष एवम् प्रधानमन्त्री केपी शर्मा ओलीसमक्ष सन्देश पठाएपनि यस विषयलाई लिएर प्रधानमन्त्री ओलीले भेट्न नचाहेको बालुवाटार श्रोतको दाबी छ । प्रधानमन्त्री ओलीले गच्छदारलाई भेट्ने मुडमा नरहेको सूचना पाएपछि गच्छदारमा झनै छटपटी बढेको बताईन्छ । प्रधानमन्त्रीले भेट्ने समय नदिएपछि उनी निराश बनेको चर्चा कांग्रेसभित्र पनि भुसको आगो झै सकिएको छ ।
ललिता जग्गा प्रकरणमा आफू मुछिने भएपछि गच्छदार जेल जाने कुराले सताउन थालेको छ । आफ्नै पार्टी सरकारमा हुँदासमेत यौन दुर्व्यवहारको अभियोगबाट पार पाउन नसकी सडकमा पुगेका कृष्णबहादुर महराको हविगत देखेर उनी झनै अत्तालिएको श्रोतको दाबी छ ।
यही विषयलाई लिएर उनी विभिन्न शक्तिकेन्द्र धाईरहेका छन् । तथापी उनको कुरा सुनिदिने कोही नहुँदा बिलखबन्धमा परेको गच्छदार श्रोतले बताएको छ । उता अख्तियार दुरुपयोग आयोगले छानबिनलाई अन्तिम चरणमा पुर्याएपनि त्यसलाई लिक हुन नदिनको लागि गोप्यरुपमा लिपिबद्ध गर्ने काम गरिरहेको छ । श्रोतका अनुसार अख्तियार अहिले ललिता निवास जग्गा प्रकरणको छानबिन टुंग्याएर प्राप्त अध्ययनको निष्कर्ष चुहिने खतरा भएकाले अहिले चनाखोपूर्वक काम भइरहेको छ ।
