ओली- प्रचण्ड समान हैसियतमा, कुर्सी सँगै
तत्कालीन एमाले र माओवादीबीच पार्टी एकता भएको डेढ वर्ष भयो । यो अवधिमा केपी शर्मा ओली र पुष्पकमल दाहाल ‘प्रचण्ड’ दुई जना अध्यक्ष रहे ।
तर, प्रचण्डले बराबरी हैसियत पाएका थिएनन् न त उनले कुनै बैठकको अध्यक्षता गर्ने मौका नै पाएका थिए । केही समययता भने उनले केही बैठकको अध्यक्षता गर्न पाएका छन् । अर्का अध्यक्ष ओलीले कार्यकारी अध्यक्षको हैसियतसमेत दिएका छन् ।
आइतबार बसेको सचिवालय बैठकमा त उनले समान हैसियत पाएका छन् । अध्यक्षद्वयको कुर्सी सँगै राखिएको थियो । नत्र भए ओलीले अध्यक्षता गरेका बैठकमा प्रचण्ड प्रायः ओलीको बायाँतर्फ बस्दै आएका थिए ।
