भारतीय राजदूतलाई देउवा निवासमा बिदाई भोज, अरु को को गए
नेपाली कांग्रेसका सभापति शेरबहादुर देउवाले कार्यकाल सकेर फर्किन लागेका भारतीय राजदूतलाई आफ्नै निवासमा विदाई भोज दिएका छन् ।
नेपालका लागि भारतीय राजदूत मञ्जिवसिंह पुरी आफ्नो तीनवर्षे कार्यकाल सकेर स्वदेश फर्कने तयारीमा छन् । स्वदेश फर्किन लागेका पुरीलाई बुढानिलकण्ठस्थित निवासमा देउवामा बिदाई भोज दिएको छ । पुरी र उनकी पत्नीलाई देउवाले आफ्नो निवासमा बोलाएका थिए ।
देउवाले पुरीलाई दिएको बिदाई भोजमा नेपाली कांग्रेसका प्रभावशाली नेताहरु पनि बुढानीलकण्ठ पुगेका थिए । वरिष्ठ नेता रामचन्द्र पौडेल, उपसभापति विमलेन्द्र निधि, महामन्त्री शशांक कोइराला, सहमहामन्त्री प्रकाश शरण महत, पूर्व महामन्त्रीप्रकाशमान सिंह बिदाई भोजमा सहभागी भएको स्रोतले बताएको छ ।
आफ्नो कार्यकाल पूरा भए पनि पुरी १५ पुसमा मात्र स्वदेश फर्किदैछन् । कार्यकाल सकिएपछि पुरीले नेपालका नेताहरुसँग बिदाई भेट गरिरहेका छन् ।
