राजा त्रिभूवनलाई हिटलरले यस्तो कार उपहार दिएका थिए



 

जर्मनका तत्कालिन शासक हिटलरले नेपालका राजा त्रिभूवनलाई दिएको उपहार नासो नारायणहिटी दरबार संङ्ग्रहालयमा राखिने भएको छ । नेपालका राजाहरुले प्रयोग गरेका जहाज, हेलिकप्टर, बग्गीदेखि जर्मन शासक हिटलरले दिएको गाडी पनि संङ्ग्रहालयमा राखिने भएको छ ।

भ्रमण बर्ष २०२० लाई लक्षित गरी नेपाल सरकारले राजतन्त्रको सुरुवातदेखि दरबार हत्याकाण्डसम्मको इतिहास ध्वनी र प्रकाशका माध्यमबाट सार्वजनिक गर्ने तयारी पनि गरेको छ । पूर्वराजा र राजपरिवारका सदस्यहरुले प्रयोग गरेका सवै साग्रहीहरु प्रर्दशनीमा राख्ने तयारी भएको सङ्ग्रहालयका कार्यकारी निर्देशक भेषनारायण दाहाल बताए ।

नारायणहिटी दरवार २०६५ साल फागुन १५ गते देखि सर्वसाधरणका लागि खुल्ला गरिएको थियो । तरपनि सवै साग्रगी र कोठाहरु खुल्ला गरिएका थिएनन् । भ्रमण बर्षलाई लक्षित गरी त्रिभुवनलाई हिटलरले उपहार दिएको गाडी, राजाका बग्गीहरू, राजाले प्रयोग गरेका सवारीसाधनहरू सबै प्रदर्शनीमा ल्याइने भएको छ ।

पूर्वराजाले प्रयोग गरेका हेलिकोप्टरहरु नेपाल सेनासँग छन् । ति हेलिकोप्टरहरु संङ्ग्रहालयलाई हस्तान्तरण प्रक्रिया चलिरहेको छ ।नारायणहिटी दरबार सात सय ५४ रोपनीमा फैलिएको छ। जसमा नेपाली सेनादेखि परराष्ट्र मन्त्रालय अन्तर्गतको एउटा कार्यालय पनि छन् ।

दरबार सङ्ग्रहालयको पूर्वतर्फ हालै गणतन्त्र स्मारक बताइएको छ। जहाँ दुईवटा स्टेडियमा पर्यटकहरूका लागि नेपालको संस्कृतिको पहिचान दिने विभिन्न सांस्कृतिक कार्यक्रम पनि गर्ने योजना पनि अगाडि सारिएको छ।

कार्यकारी निर्देशक दाहालले भने, ूविभिन्न जातजातिका सांस्कृतिक प्रस्तुतिहरू पर्यटकलाई देखाउने र २००७ सालको आन्दोलनका शहीदहरूको फोटोका माध्ययमबाट प्रदर्शनी गर्छौं। यी सबै गर्नुको पछाडि आर्थिक उपार्जन गर्ने र सङ्ग्रहालयको खर्च उठाउने लक्ष्य हो।

प्रतिक्रिया दिनुहोस
प्रधानमन्त्रीलाई विश्वासको मत दिन्छौं : माधव नेपाल

     एकीकृत समाजवादीका अध्यक्ष माधवकुमार नेपालले प्रधानमन्त्रीलाई विश्वासको मत दिने बताएका छन्

नेप्से- ४५ अंकले वृद्धि, सवा ५ अर्ब कारोबार

    शेयर बजारमा रौनक फर्किएको छ । बजार साताकाे पहिलाे कराेबार दिन

अपाङ्गता भएका सम्पूर्ण व्यक्तिको स्वास्थ्य बिमा गराउने तयारीमा छौँ : मन्त्री चौधरी

    महिला, बालबालिका तथा ज्येष्ठ नागरिक मन्त्री भगबती चौधरीले अपाङ्गता भएका सम्पूर्ण

ट्राफिक प्रहरीको हत्यामा संलग्न ७ आरोपी सार्वजनिक

  ट्राफिक प्रहरी प्रभाग, दरबारमार्गमा कार्यरत प्रहरी जवान युवराज घिमिरेको हत्यामा संलग्नलाई समात्न