चैते कमरेडहरुको घाँटीमा चिल्ला सुन, त्यागी कमरेडहरुको शरीरमा गोली र खुन – लेखनाथ न्यौपाने
हाम्रो संविधान, प्रशासन र समाजले पनि यही चैते जस्ता पात्र र प्रवृत्तिलाई सलाम ठोक्छ । चैते माओवादी, माओवादी ठूलो भएपछि मौका खोज्दै छिरेकाहरु ! भर्जिन माओवादी, शुरुदेखि आर्दश पछ्याएर लागेकाहरु तर यसभित्र पनि चैतेहरु जन्मने प्रक्रिया बाक्लिो छ ।
आज यि दुबैथरी सत्ताधारी नेकपाका सदस्यहरु । चैते माओवादी बनेर सम्पत्ति थोपरेका कमरेड र कम्यनिस्ट पार्टीको सदस्य भएपछि आदर्श मर्न दिनुहुँदैन भनेर लागिरहने कमरेड छिमेकी बनेका छन् तर फरक के छ भने चैते कमरेड भव्य ३ तले आफ्नै घरमा बस्छन् भने आदर्श कमरेड चैतेको छिमेकीको घरको छिडींको डेरामा ।
कमरेडहरूको समाज पनि फरक छ । घरपतिको समाज डेरावालसँग हुने कुरै भएन!उनी घरवाला समाजमा । डेरावालको त न डेरावालसँग न घरपतिहरूको समाजसँग !
चैते कमरेड गर्मीमा एसी लगाएर कोठामा र जाडोमा कौसीको झोलुङ्गे कुर्सीमा बसेर घाम ताप्छ तर आर्दश कमरेड जाडोको घाम मेरा लागि होइन ?भनेर मनलाई दृढ त बनाउँछ तर पुस माघमा लुगा सुकाउने ठाउँ नपाउँदा उसको दृढ मन डग्मगाउन खोन्छ ।
चैते कमरेड वागमति अञ्चलको २१ लटको सुविधासम्पन्न गाडी चढृछ र पार्टी मिटिङ पुग्छ । खादा र माला घाँटीभरि लगाएर वर्गीय मुक्ति र कम्यनिस्ट आदर्शको भाषण ठोक्छ ।
हाम्रो संविधान, प्रशासन र समाजले पनि यही चैते जस्ता पात्र र प्रवृत्तिलाई सलाम ठोक्छ । आदर्श कमरेड शरिरभरि वमका छर्रा बोकेर सार्वजनिक यातायातबाटै पार्टी मिटिङ र कामहरु भ्याउँछ तर उसलाई न संविधानले चिन्छ न त प्रशासन र समाजले नै ।
कम्युनिस्टहरुका विचार अनुसार कैे चित्र र चरित्र हुनुपर्छ भन्ने कम्युनिस्ट आदर्शको व्याख्या गर्छ र आफ्नो जीवन व्यवहारमा उतार्छ ।
चैते कमरेडको गलाको सुनको साङ्लो र सबै औंलामा बेरिएका सुनका अगुठी देखेर पैसा फल्ने बोट पनि हुन्छ कि क्या हो ?आफ्नै मनलाई व्याङ्य गर्छ एकातिर भने अर्कोतिर वर्गीय आन्दोलनभित्र कसरी सीमित मान्छेहरुको वर्ग उत्थान; हुँदोरहेछ भनेर चैते कमरेडको चित्र देखेर गम्भीर हुन्छ ।
निष्कर्ष निकाल्छ कि अकूत सम्पत्तिवाल कमरेड पनि १००० वर्ष बाँच्ने होइन ?
कम्युनिस्ट आन्दोलनमा इमान्दार पुस्ता जन्माउन सकियो भने यस्ता पात्रलाई पूँजीपति वर्गको सेवामा जन्मेका कथित कम्यनिस्ट भनेर पुस्तौपुस्तासम्म प्रचार गर्नेछन्! कम्युनिस्ट आन्दोलनमा लागेर अकूत सम्पत्ति कमाउने कमरेड पटक पटक मर्नेछन् ।
