कमल थापाले भने राजाको सम्पतिमा कथित नवराजाहरुले ब्रम्हलुट मच्चाए
राष्ट्रिय प्रजातन्त्र पार्टीका अध्यक्ष कमल थापाले राजाको सम्पतिमा कथित नवराजाहरुले ब्रम्हलुट मच्चाएको आरोप लगाएका छन् । गोकर्ण रिसोर्ट प्रकरणलाई लिएर अध्यक्ष थापाले यस्तो टिप्पनी गरेका हुन् ।
राजा र राजपरिवारका नाममा रहेको सम्पति राष्ट्रियकरण गरिएको थियो । नेपाल ट्रष्टका नाममा राष्ट्रियकरण गरिएको सम्पति परिर्वतनका कथित सम्वाहकहरुले ब्रम्हलुट मच्चाएको उनले बताए छन् ।
‘राजसंस्था पाखा लगाईयो । राजाको सम्मति राष्ट्रियकरण गरियो । त्यो राष्ट्रिय सम्पतिलाई व्यापारीसंग मिलेर परिवर्तनका संवाहक कथीत “नवराजाहरु”ले ब्रम्हलुट गरिरहेका छन् ’ अध्यक्ष थापाले भने । उनले ‘परिवर्तन यही हो ?’ भन्दै प्रश्न पनि गरेका छन् ।
पूर्वराजाको नाममा रहेको गोकर्ण रिसोर्टको जमिन सरकारले यति होल्डिङसलाई दिएपछि थापाले आक्रोस पोखेका छन् । उनले राष्ट्रिय सम्पतिमाथी ब्रम्हलुट मच्चाउनेलाई आफु शक्तिमा आए कारवाही गर्ने चेतावनी पनि दिएका छन् ।
‘आमजनता पार्टीको रैतिभन्दा माथि उठेर स्वाभिमानी नागरिक भएको दिन अपराधिलाई कानुनको कठघरामा उभ्याउनेछन्’ कडाशैलीमा अध्यक्ष थापाले भनेका छन् । नेपाली नागरिक पार्टीको रैति नभएका दिन र आफु सत्तामा आए उनीहरुलाई कारवाही गर्ने थापाले संकेत गरेका छन् ।
