साउदीले एकैपटक ४० लाख विदेशी कामदार निकाल्ने
मलेशिया लगायतका देशहरुसँग सम्बन्ध विस्तार नगर्न साउदी अरबले पाकिस्तानमाथि कडा दबाब दिएको खुल्न आएको छ । साउदीले पाकिस्तानले आफुले भनेको अनुसार नगरे साउदीमा रहेका झण्डै ४० लाख पाकिस्तानीलाई लखेट्ने बताएको गम्भीर खुलासा भएको हो ।
केही दिन पहिले मलेशियामा सञ्चालन भएको क्वालालम्पुर समीट–२०१९ मा यो कुरा बाहिर आएको हो । यसमा सुरुमा पाकिस्तानी प्रधानमन्त्री इमरान खान पनि सहभागी हुने भनिएको थियो तर साउदीको दबाबले गर्दा उनी जान सकेनन् । यस विषयमा जानकारी दिदै टर्कीका राष्ट्रपति रजेप तैयप एर्दोगानले यस्तो खुलासा गरेका हुन् । लामो समय देखि साउदीसँग टर्की, मलेशिया, इरान र कतार लगायतका मुस्लिम देशहरुको सम्बन्ध राम्रो छैन ।
यी देशहरुका अनुसार साउदी अमेरिका र इजरायलको इशासामा काम गर्दै आइरहेको छ । साउदीले पाकिस्तानलाई अर्बौ डलर आर्थिक सहायता दिएको कारण पनि उस्ले पाकिस्तानमाथि दबाब दिने गरेको हो । पाकिस्तानले यो झगडालाई मिलाउन धेरै प्रयास गरेको भए पनि सफल भएको छैन । पाकिस्तानी प्रधानमन्त्री खान क्वालालम्पुर समीट९केएल० –२०१९ मा नगएपछि पाकिस्तानमा मात्रै नभई विश्वभर भएका एक धार मुसलमानहरुले दुःख व्यक्त गरेका छन् ।
यदी खानले साउदीको कुरालाई वेवास्ता गर्दै मलेशियाका प्रधानमन्त्री महातिर बिन मोहम्मदसँग भेट गरेको भए ४० लाख नेपाली एकै झट्कामा बेरोजगार हुनुका साथै पाकिस्तानको अर्थतन्त्र तहसनहस हुन्थ्यो । साउदी राजकुमार मोहम्मद बिन सलमानले खानलाई पाकिस्तानीलाई लखेटेर बंगलादेशबाट कामदार ल्याउने धम्की दिएको एर्दोगानले स्पष्ट पारेका छन् । एजेन्सी
