रामशरण महतले देउवामाथि लगाए यस्तो गम्भिर आरोप
नेपाली कांग्रेसका नेता डा. रामशरण महतले पार्टी सभापति शेरबहादुर देउवाका कारण पार्टी कमजोर हुँदै गएको र सहमतिका कारण केन्द्रीय समितिको बैठक बस्न नसकेको आरोप लगाएका छन् ।
नेपाली कांग्रेसको जारी केन्द्रीय कमिटीको एजेण्डालाई लिएर कांग्रेस भित्र संस्थापन इतर पक्षले बैठक बहिष्कार गर्दै आएको प्रसंगमा नेता महतले पार्टी सभापति देउवालाई सहमतिका साथ अगाडी बढ्न पनि आग्रह गरेका छन् ।
पार्टी सभापति देउवाले पेलेरै जाने रणनीति लिएमा अर्को पक्षले विद्रोह गर्न सक्ने भन्दै चेतावनी समेत दिएका छन् । सञ्चारकर्मीहरुसँग कुरा गर्दै नेता डा. महतले भने– ‘त्यस्तो भन्नुभयो भने सरासर गलत हो । त्यसको प्रतिक्रिया चाहिं पार्टीलाई राम्रो हुँदैन । यसले पार्टीलाई झन् कमजोर बनाउँछ । –त्यसो गर्नुभयो भने पार्टीलाई नोक्सान हुन्छ । पार्टीको हित चाहने हो भने त्यो काम गर्नु हुँदैन । कांग्रेसमा पार्टी हित भन्दा व्यक्तिगत हित र गुटबन्दी बढी भइरहेको छ । पार्टी हितका लागि सहमतिमा अगाडि बढ्नु पर्छ । त्यसको विकल्प छैन ।
संसदमा त सरकारले बहुमतको आधारमा पेलेर गर्न थाल्यो भनेपछि विपक्षी दलले त्यत्रो विद्रोह गर्छ । संसद अवरुद्ध हुन्छ । तर, पार्टी एकढिक्का भएर अघि बढ्ने बेलामा पनि बहुमतमा गर्छु भन्ने ? एउटै पार्टी्भित्र पनि पेलेर अगाडि बढ्न खोज्नु बिल्कुल गलत हो । यसले पार्टीमा नराम्रो असर पार्छ । म त अझै भन्छु एकताको आधारमा जाऔं । सारा कार्यकर्ताको भनाई पनि त्यही छ एक भएर जाने ।’
‘चार वर्षसम्म हामीले केही पनि गरेका छैनौं । कांग्रेसका भातृ संगठनहरू लथालि¨ छन् । विभागहरू बनेका छैनन् । अबको हाम्रो सम्पूर्ण ध्यान चौधौं महाधिवेशनमा लगाउने र केही समय थपेरै भए पनि जतिसक्यो छिटो सम्पन्न गर्ने्तिर लगाउनु पर्ने हो । त्यसको लागि कार्यतालिका तयार पार्नुपर्ने हो । महाधिवेशन तयारीका लागि पनि धेरै समय लाग्छ । हाम्रो ध्यान त्यतातिर जानुप¥यो । अहिले विभाग बनाउने, विभागको संख्या बढाउने किन ? जब कि हाम्रो पदावधि नै समाप्त हुन लाग्या छ भने २–४ महिनाका लागि विभाग बनाएर के अर्थ छ र ? त्यसको आवश्यकता अहिले छँदैछैन ।’
नेता महतले १३ औं महाधिवेशनको अवधि केबल तीन महिनामात्र बाँकी भएको उल्लेख गर्दै थपे–‘यो त अधिवेशन भएको पदाधिकारी नियुक्ति भएको केही महिनाभित्रै गर्नुपर्ने थियो । चार वर्ष पुग्न लागेपछि यसको आवश्यकता छैन । अबको हाम्रो ध्यान तल्लो तहदेखि क्रियाशील सदस्यका कुरादेखि महाधिवेशन सम्पन्न गर्नका लागि लाग्ने ६–८ महिनाको समयतर्फ लगाउनु पर्छ । नयाँ विभागहरू बनाउने, यो गर्ने त्यो गर्ने भनेर तमासा गर्ने काम छँदैछैन । यो खाली गुटलाई प्रभावित पार्नका लागि गरिएको प्रवृत्ति देखिन्छ ।’
