प्रेमीकालाई पहिलो डेटमै फिदा पार्ने उपाय
तपाईको कोहिसँग प्रेम बसेको छ र डेट जाँदै हुनुहुन्छ भने तयारीका साथ जानुपर्छ । यदि तपाई उनीसँगको सम्बन्ध टिकाईराख्न चाहानुहुन्छ र सम्बन्ध सुमधुर बनाउन चाहनुहुन्छ भने धेरै कुराहरु सोच्नुपर्ने हुन्छ । जसमध्ये केहि उपायहरु निम्न छन् : तपाईको पहिलो डेट हो भने तोकेको समयभन्दा अगाडी पुग्नुहोस् । युवती आइपुग्दा तपाई पुगिसकेको हुनुभयो भने त्यसको प्रभाव सकारात्मक पर्छ ।
यदि कुनै क्याफे वा रेष्टुरेण्टमा भेट्दैहुनुहुन्छ वा कतै भेटेर खाजा खान कतै जानुहुन्छ भने युवती आउँदा ढोका खोलिदिनुस् । उनी बस्ने स्थानको कुर्सी मिलाइदिनुस् अनि उनी बसिसकेपछि मात्र आफू बस्नुस् ।
पहिलो भेटमा मोबाइल नचलाएको धेरै नै राम्रो हुन्छ । कुरामा अवरोध नहोस् भनेर मोबाइल साइलेन्ट मोडमा राख्दा नै उत्तम हुन्छ । अनिवार्य कल आयो भने पनि सकेसम्म छोटो कुरा गर्नुस् ।
पहिलो डेटका लागि स्थान चयन गर्दा सुनसान स्थान नछान्नु । सकेसम्म व्यक्तिहरु आवत–जावत भइरहने स्थानमा जानु राम्रो हो । सकेसम्म धेरै भीडभाड हुने स्थान पनि राम्रो मानिन्न ।
पहिलो डेटमा मदिरातिर ध्यान नदिनु । आफू पनि नपिउनु र युवतीलाई अफर पनि नगर्नु बुद्धिमानी हो । पहिलो डेटको अर्को महत्वपूर्ण कुरा भनेको शारीरिक रुपमा धेरै निकटता नदेखाएकै राम्रो मानिन्छ ।
पहिलो भेटमा फूल उपहार दिनुभयो भने अझ प्रभावकारी हुन्छ । वास्नादार फूलले तपाईहरुको सम्बन्धमा पनि मिठो बास्ना ल्याउन सघाउ पुग्छ ।
