माधव नेपाल पक्ष प्रचण्डसँग विलय, ओली अल्पमतमा
सत्तारुढ नेपाल कम्युनिस्ट पार्टी (नेकपा)का कार्यकारी अध्यक्ष पुष्पकमल दाहाल ‘प्रचण्ड’सँग वरिष्ठ नेता माधव नेपाल र भीमबहादुर रावलले सुटुक्क भेटेका छन् ।
ललितपुरको खुमलटारस्थित निवासमा नेपाल र रावलले दाहाललाई आइतबार साँझ भेटेका हुन् । भेटमा स्थायी समितिको बैठकमा पेश भएका एजेण्डा र भागबण्डाहरूका विषयमा कुराकानी भएको स्रोतले जनाएको छ । भेटमा स्थायी समितिको बैठकमा पेश भएका एजेण्डा र भागबण्डाहरूका विषयमा कुराकानी भएको भनिए पनि आन्तिरीक कुरो अकै छ । नेपाल पक्षका एक नेताका अनुसार अब नेपाल गुट नरहेको र अध्यक्ष प्रचण्डसँग मिलेको पनि दाबी गरेका छन । माधव नेपाल गुट प्रचण्डसँग विलय भएको स्रोतको दाबी छ । यसरी २ नेता मिल्दा ओली अल्पमतमा परेको बिषेश स्रोतको दाबी छ ।
दाहालले एक वर्षपछि स्थायी समितिको बैठक बोलाएकोमा नेपाल र रावलले बधाइ दिए आइतबार साँझ खुमलटार पुगेको स्रोतले जनाएको छ । भेटमा वामदेव गौतमलाई विधान संशोधन गरेर उपाध्यक्ष बनाउन लागेको विषयमा पनि कुराकानी भएको एक नेताले बताए । दाहाललाई भेट्न नेपाल र रावल खुमलटार पुगेका बेला नारायणकाजी श्रेष्ठ र वर्षमान पुन पनि निवासभित्रै थिए ।
प्रचण्डकाे प्रतिवेदनमा स्थायी कमिटीमा छलफल हुने
सत्तारूढ नेपाल कम्युनिस्ट पार्टी (नेकपा) को स्थायी कमिटी बैठकमा आजबाट राजनीतिक प्रतिवेदनमाथि छलफल हुने भएको छ । अध्यक्ष पुष्पकमल दाहाल प्रचण्डले पेश गरेको प्रतिवेदनमाथि आजबाट स्थायी समिति सदस्यहरुले धारणा राख्ने भएका हुन् । सदस्यहरुले धारणा राख्ने क्रम सकिएपछि अध्यक्षद्वय केपीशर्मा ओली र पुष्पकमल दाहाल प्रचण्डले जवाफ दिने कार्यतालिका छ ।
पार्टी कार्यालय धुम्वाराहीमा आइतबार बसेको बैठकमा अध्यक्षद्वयका तर्फबाट प्रचण्डले राजनीतिक प्रतिवेदन पेश गरेका थिए भने महासचिव विष्णु पौडेलले विधान संशोधन प्रस्ताव प्रस्तुत गरेका थिए ।
बैठकमा छलफलका लागि राजनीतिक प्रतिवेदन, विधान संशोधन प्रस्ताव, केन्द्रीय कमिटीको आगामी बैठक, नेपाल–भारत सीमा समस्याको समाधान र विविध गरि पाँचवटा एजेन्डा तय गरिएको थियो । आइतबारको बैठकले पाँच वटै विषयलाई स्वीकार गरेको प्रवक्ता नारायणकाजी श्रेष्ठले जानकारी दिए ।
