पिता बन्दै सैफअली
नायिका अनन्या पाण्डेले हालसम्म २ वटा चलचित्रमा मात्र काम गरिन् । तर, बलिउडमा उनको उपस्थिती बलियो बन्न थालेको छ । ‘स्टूडेन्ट अफ दि इयर र पति, पत्नी और ओ’ रिलिजसँगै अनन्या बलिउडमा नयाँ पुस्ताकी आशालाग्दी नायिकाको रुपमा चिनिएकी छिन् । उनको हातमा चलचित्रको कुनै अभाव छैन ।
उनै, अनन्या अब नायक सैफअली खानकी छोरीको रुपमा पर्दामा देखिने भएकी छिन् । सैफअली र अनन्यालाइ निर्माणटिमले फाइनल गरेको भारतीय मिडियामा उल्लेख छ ।
राहुल ढोलाकियाको निर्देशन तथा फरहान अख्तरको निर्माणमा बन्न लागेको नयाँ चलचित्रमा अनन्या र सैफ फाइनल भएका हुन् । दर्शकका लागि अनन्या र सैफको बोन्डिङ प्रतिक्षारत हुनेछ । यो चलचित्रलाई थ्रिलर कथामा निर्माण गर्ने तयारी राहुल र फरहानको छ ।
