प्रधानमन्त्री ओली डिस्चार्ज
दश दिनअघि स्वास्थ्यमा समस्या देखिएपछि महाराजगञ्जस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा उपचाररत प्रधानमन्त्री केपी शर्मा ओली आज (बिहीबार) डिस्चार्ज भएका छन् ।
प्रधानमन्त्रीका प्रेस सल्लाहकार सूर्य थापाका अनुसार प्रधानमन्त्रीको शल्यक्रिया पछि पूर्ण स्वास्थ्य लाभ गरेर अस्पतालबाट डिस्चार्ज भएका छन् ।
प्रधानमन्त्री ओली स्वास्थयमा समस्या आएपछि यहि मंसिर ९ गते शिक्षण अस्पताल गएका थिए । उनको नौ दिनअघि एपेन्डिसाइटिसको शल्यक्रिया गराइएको थियो ।
चिकित्सकका अनुसार डिस्चार्जपछि प्रधानमन्त्री ओलीले करिब हप्ता दिन आराम गर्नुपर्ने हुन्छ ।
