रक्सी बोकेर चिनियाँ राजदूत मन्त्री यादवलाई भेट्न पुगिन्
नेपालका लागि चिनियाँ राजदूत होउ यानछीले श्रम तथा सामाजिक सुरक्षामन्त्री रामेश्वर राय यादवलाई गिफ्ट स्वरुप रक्सी उपहार प्रदान गरेकी छिन् ।
तत्कालीन श्रममन्त्री गोकर्ण विष्टको ठाउँमा केही दिन अगाडि श्रमन्त्रीको सपथ लिएका मन्त्री यादवलाई चिनियाँ राजदूत यानछीले रक्सी उपहार दिएकी हुन् ।
राजदूत यानछीले मन्त्री यादवलाई दिएको दुई वटा झोलामा ‘ब्ल्याक लेबल’ रक्सी रहेको स्रोतले जनाएको छ ।
मन्त्री यादवले पनि राजदूत यानछीले दिएका उपहारहरूलाई सहर्स स्वीकार गरेका छन् ।
झोलामा रहेको बस्तुका विषयमा मन्त्री यादवको सचिवालयले केही भनेको छैन ।
नेपालको राजनीतिमा नजिकबाट नियाल्दै आएको चीनले आफ्नो प्रभावलाई बढाउन हरेक चलखेल गर्दै आएको आरोप छ ।
आफ्नो प्रभावलाई नेपालमा बढाउन चीनले नेपालीहरूलाई प्रत्येक दिन जस्तै घुमाउन लैजाने गरेको छ ।
नेपालीहरूलाई चीनका विभिन्न स्थानको भ्रमण गराएर ल्याउने गरेको छ ।
चीनले नेपालीहरूको स्तर हेरेर भ्रमणमा लैजाने गरेको छ । आफूलाई काम लाग्ने व्यक्तिहरूलाई दैनिक भ्रमण भत्ता दिएर लैजाने गरेको छ ।
अन्यलाई भने खानपिनको मात्रै व्यवस्था गर्ने गरेको आरोप छ ।
चीनले नेपालमा उच्च राजनीतिक नेतृत्व, कर्मचारी र युवा पुस्तालाई लक्षित गरेर आफ्नो अभियान चलाउने गरेको आरोप छ ।
