दोस्रो पटक किड्नी फेर्ने तयारीमा प्रधानमन्त्री ओली
प्रधानमन्त्री केपी शर्मा ओलीले आजको युगमा दोस्रो पटक किड्नी फेर्नु मामूली कुरा भएको बताएका छन् । आफ्नो स्वास्थ्य ठिकठाक रहेको बताएका प्रधानमन्त्री ओलीले कान्तिपुर टेलिभिजनको कार्यक्रम फायर साइडमा ‘विश्वमा ५ पटकसम्म किड्नी फेरिएको छ’ भने ।
‘ट्रान्सप्लान्ट गर्ने किड्नी म्याच हुनु मात्र ठूलो कुरा हो, फेर्नु ठूलो कुरा होइन । मेरो स्वास्थ्य अवस्था ठिक छ’, उनले कार्यक्रमको अन्त्यतिर सर्वसाधारणको चासोलाई सम्बोधन गर्दै भने,‘कहिलेकाहीँ डायलासीस गराउनुपर्छ । गराइसक्नासाथ म फ्रेस भएर काम गर्न सक्छु ।’
तर प्रधानमन्त्री ओलीको मंगलबारमात्र एपेन्डिक्सको शल्यक्रिया गरिएको छ । उनको स्वास्थ्यमा सोमबार समस्या आएपछि शल्यक्रिया गरिएको थियो ।
