यस्ता छन् नेकपा सचिवालयका निर्णय
आज बसेको नेपाल कम्युनिष्ट पार्टी नेकपाको वैठक सकिएको छ । पार्टी एकताको बाँकी कामलाई पूरा गर्न र मन्त्रीमण्डलको पुर्नगठनको विाषयमा छलफल हुने बताईएको यो वैठकमा के छलफल भयो बारे पार्टी प्रबक्ता नारायाणकाजी श्रेष्ठले बताउन चाहेनन् ।
प्रवक्ता श्रेष्ठका अनुसार सचिवालय वैठकले आगामी मंसिर १४ गने हुने प्रतिनिधिसभा र प्रदेशसभा सदस्य उपनिर्वाचनका लागि जिल्ला कमिटिसँग परामर्श गरी ३–३ जनाको नाम सिफारिस गरि आगामी कात्तिक १० गतेभित्र केन्द्रमा पठाउन प्रदेश कमिटिलाई निर्देशन दिने निर्णय गरेको छ ।
त्यस्तै स्थानीय तहको रिक्त पदहरुमा हुने उपनिर्वाचनमा जिल्ला कमिटिको सिफारिसमा प्रदेश किमिटिले निर्णय गर्ने गरी वैठकले निर्देशन दिएको छ । यस्तै सचिवालय वैठकले पार्टी संगठन विभागमा अष्टलक्ष्मी शाक्य, भानुभक्त ढकाल र हरि अधिकारीलाई थप गर्ने निर्णय गरेको छ । संगठन विभागमा यसअघि प्रमुखमा वामदेव गौतम र उपप्रमुखमा जनर्दन शर्मा प्रभाकर मात्र थिए । अब भिवाग पाँच सदस्यीय बनेको छ ।
