राजीनामापछि पारसले भने म थाकें केही समय आराम गर्छु

 

नेपाली राष्ट्रिय क्रिकेट टोलीको कप्तानीबाट राजीनामा दिएका पारस खड्काले आफूले केही समय क्रिकेटबाट आराम लिने बताएका छन् ।

राट्रिय टोलीको कप्तानीबाट राजीनामा दिएको घोषणा गरेको केही घन्टापछि एक कार्यक्रममा पारसले क्यान निलम्बनमा परेपछि आफूले धेरैखाले भूमिका निर्वाह गरेको र यसबाट आफू थाकेकाले केहीसमय आराम गर्ने बताए ।

‘पछिल्लो तीन चार वर्ष सेलेक्टर भए, छनोटकर्ता, म्यानेजमेन्टसँगको समन्वयकर्ता, अन फिल्ड र अफ फिल्ड सबै गरे’ पारसले भने,‘अब म थाकें ।’
क्रिकटबाट आफू टाँढा हुनै नसक्ने उनको भनाइ छ ।

उनले आफ्नो राजीनामा कुनै हालतमा पनि फिर्ता नहुने बताए ।