महरालाई अनुसन्धान गर्न आज म्याद थपिने
संसद सचिवालयकी कर्मचारी रोशनी शाहीले यौनहिंसाको अभियोग लगाएपछि पक्राउ गरी थुनामा राखिएका पूर्वसभामुख कृष्णबहादुर महरालाई थप अनुसन्धानका लागि आज म्याद थप्ने तयारी गरिएको छ ।
महानगरीय प्रहरी परिसर काठमाडौंले महरामाथि लागेको अभियोगका बारेमा अनुसन्धान नसकिएपछि जिल्ला अदालत काठमाडौंमा उपस्थित गराउँदै म्याद थपको तयारी गरेको हो ।
थुनामा रहँदा स्वास्थ्य अवस्था कमजोर रहेको भनी नर्भिक अस्पतालमा भर्ना भएका महरामाथि पुरानो चिनजान रहेकी शाहीले उजुरी दिएकी थिइन् ।
उजुरी दिनुपूर्व विविध मिडियामा महराविरुद्ध अभियोग लगाउने र त्यसको खण्डन समेत गर्दै आएको थियो । तर महराले राजीनामा गरेपछि प्रहरीले उनलाई पक्राउ गरी अनुसन्धान थालेको थियो । फौजदारी अभियोग लागेका कारणले महराविरुद्ध उजुरी नपरे पनि प्रहरीले पक्राउ गर्ने थियो ।
