एसिड पिडित मुस्कानलाई बरुण र कृतीको भिडियोकल
केही हप्ता अगाडि विधालयबाट फर्किने क्रममा विरगञ्जमा एसिड आक्रमणमा परिन् १४ वर्षिय मुस्कान खातुन । उनी यतिबेला किर्तिपुर अस्पतालमा उपचाररत छिन् । उनै खातुनलाई बलिउडका दुई कलाकारहरुले भिडियो सन्देश पठाएका छन् ।
बलिउड नायिका कृती सेननले मुस्कानसँग भिडियो कलमा कुरा गरेकी थिइन् । त्यसपश्चात उनले नायक बरुण धवनलाई यसबारे जानकारी गराएपछि बरुणले पनि भिडियो सन्देश पठाएका छन् । मुस्कान बरुण त कृतीको फ्यान हुन् ।
कृतीले भिडियो कल गर्दै भनेकी छिन्- ‘अहिले तिमी उपचारका लागि अस्पतालमा भर्ना भएकी छ्यौ । चाडै नै निको भएर घर फर्किनेछ्यौ भन्ने मेरो कामना छ । आशा छ, हामी चाँडै भेट्नेछौ ।’
यस्तै बरुणले भनेका छन्-‘मुस्कान, मलाई तिम्रो बारेमा कृतीले जानकारी गराएकी थिइन् । मैले थाहा पाए अनुसार, तिमीलाई अध्ययन गर्न निकै नै मनपर्छ । म चाहन्छु तिमि ठिक भएपछि फेरि पढ्नुपर्छ । तिमी ठिक भएपछि म तिमीलाई भेट्नेछु । तिमी चाडै नै निको हुँदैछौ । तिमी राम्रो गर्दैछ्यौ । धेरै धेरै प्रेम छ ।’
यस्तै, ‘दि भ्वाइस अफ नेपाल’का कोच तथा गायक राजु लामाले पनि मुस्कानलाई अस्पतालमै पुगेर भेटेका छन् । मोडल नीति शाहले पनि मुस्कानलाई भेटेर उनको हिम्मत बढाउने काम गरेकी छिन् ।
