नेपाली कांग्रेसका महामन्त्री शशांक कोइरालाले भने नेपाललाई हिन्दू राष्ट्र बनाउनुपर्छ
नेपाली कांग्रेसका महामन्त्री डा. शशांक कोइरालाले १४ औं महाधिवेशनमा पार्टीमा नेपाललाई हिन्दू राष्ट्र बनाउनुपर्छ भन्ने माग अझ बलियोगरी आउने बताएका छन् ।
रामेछापको मन्थलीमा विहीबार प्रेस युनियनले गरेको पत्रकार भेटका क्रममा ‘गएको महासमिति बैठकमा ८ सय प्रतिनिधिले हस्ताक्षर गरी राखेको माग अझ बलियोगरी आउने’ कोइरालाको दाबी थियो ।
पार्टीभित्र घात प्रतिघातको साटो एकढिक्का भए कुनै शक्तिसँग कांग्रेस पराजित हुनु नपर्ने बताएका उनले त्यसका लागि कार्यकर्ता पंक्तिबाट पनि दबाब हुनुपर्ने बताए । सरकारबारे टिप्पणी गरेका उनले कुनै नयाँ योजना नआएको तर सपनामात्र बाँडिएको बताए ।
