ऋषी धमलाले श्रीमतीलाई खुट्टा ढोगाउँदै खुट्टाको पानी खुवाउँदै गरेको तस्बिर भाइरल
पछिल्लो समय तीज नेपालमा एकातर्फ विकृति फैलाउँदै गइरहेको छ । अति नै छाडा खालका नाच बजारमा आउँने गरेका छन् । यो बीचमा अहिले पुरानो परम्परा पनि मान्छेहरु खास मन पराउँदैनन् । पतिको आयुका लागि पत्नी ब्रत बस्दा पत्नीको आयुका लागि पति पनि ब्रत वस्नुपर्छ भन्ने सोच भएका मान्छेहरु पनि हाम्रो समाजमा छन् ।
अहिले चर्चित पत्रकार ऋषी धमलाको एक तस्बिर भाइरल भइरहेको छ । उसो त धमला विवादमा परिरहेका हुन्छन् । हरितालिका तीजको दिन उनकी श्रीमतीलाई खुट्टा ढोगाउँदै खुट्टाको पानी समेत खुवाउँदै गरेको तस्बिर सामाजिक सञ्जालमा भाइरल भइरहेको छ ।
त्यति मात्रै होइन उनले पत्निलाई खुट्टाको पानी खुवाउँदै गरेको भिडियो पनि सार्वजनिक भएको छ । धमला पत्नि एलिजा गौतमले उनको खुट्टाको पानी खाइरहेकी छिन् ।
गौतमको व्यक्तिगत चाहानाले खुट्टाको पानी खाएको भएता पनि सामाजिक सञ्जालमा भने धमलाको आलोचना शुरु भएको छ । बाहिर महिला समानताका कुरा गरेपनि घर भित्र भने दासत्व प्रणाली कायम भएको भन्दै टिप्पणी सुरु भएको छ ।
