प्रधानमन्त्री ओलीलाई भेट्न बामदेव र बिष्णु पौडेल सिंगापुर जाँदै
प्रधानमन्त्री केपी शर्मा ओली उपचार सकेर शुक्रवार नेपाल फर्किदैछन् । नेपाल फर्किन लागेका प्रधानमन्त्री ओलीलाई भेट्न नेकपाका उपाध्यक्ष र महासचिव आज सिंगापुर जान लागेका छन् । उपाध्यक्ष बामदेव गौतम र महासचिव बिष्णु पौडेल प्रधानमन्त्रीलाई भेट्न आज दिउँसो सिंगापुर जाने स्रोतले बताएको छ ।
प्रधानमन्त्री ओलीको स्वास्थ्य अबस्था सामान्य भएको निजी सचिवालय जानकारी गराउँदा गराउँदै गौतम र पौडेल किन हतारिएर सिंगापुर जाँदैछन् ? यतिबेला अर्काे चासोको बिषय बनेको छ । पछिल्लो समय प्रधानमन्त्री ओलीलाई भेट्न दजर्ना नेता र ब्यपारीहरु सिंगापुर गइरहेका छन् । प्रधानमन्त्री ओलीलाई सिंगापुरको अस्पतालमै गएर भेट्नहरुको संख्या दैनिक बढ्न थालेको छ । उनीहरुको चासो प्रधानमन्त्रीको स्वास्थ्यभन्दा पनि चाप्लुसी भएको नेकपा केन्द्रीय सदस्य सूर्य थापाले सामाजिक सञ्जालबाट टिप्पनी गरेका छन् । विरामी प्रधानमन्त्रीको उपचार प्रभावित हुनेगरी चाप्लुसी र स्वार्थका लागि सिंगापुर नजान केन्द्रीय सदस्य थापाले चेतावनी पनि दिएका छन् ।
प्लाज्मा फेरेसिक प्रक्रियाबाट शरीरमा रहेको एन्टीबडी घाटाउने अन्तिम उपचार बुधवार हुँदैछ । बुधवार अन्तिम प्रक्रिया सकिएपछि प्रधानमन्त्री ओली शुक्रवार नेपाल फर्किने कार्यक्रम रहेको छ । प्रधानमन्त्री ओलीलाई अस्पतालकै बेडमा भेट्ने र नेपालसँगै फर्किन योजनाका साथ दुई नेता जान लागेका हुन् । ५ भदौमा प्रधानमन्त्री ओली उपचारका लागि सिंगापुर पुगेका थिए ।
