रवि लामिछानेसहित तीनै जनाको पेशी तोकियो
आत्महत्या दुरुत्साहन मुद्धामा धरौटीमा छुटेका टिभी कार्यक्रम प्रस्तोता रवि लामिछानेसहित ३ जनाको पहिलो पेशी तोकिएको छ । चितवन जिल्ला अदालतले आउँदो असोज ५ गते लामिछाने, पत्रकार युवराज कँडेल र रुकु भनिने नर्स अस्मिता कार्कीका लागि साक्षी तारेख तोकेको हो ।
अदालतले सोमबार लामिछानेसँग ५ लाख, कँडेलसँग ३ लाख धरौटी लिई हिरासतमुक्त गर्न आदेश दिएको हो भने कार्कीलाई साधारण तारेखका मुक्त गर्न आदेश गरेको थियो । अदालतको आदेशपछि यी तीनै जना सोमबार नै हिरासतमुक्त भइसेका छन् ।
गएको साउन २० गते चितवन नारायणगढको एक होटलमा आत्महत्या गरेका पत्रकार शालिकराम पुडासैनीलाई आत्महत्या दुरुत्साहन गरेको भन्दै उनीहरुविरुद्ध अदालतमा मुद्धा दर्ता भएको थियो । पुडासैनीले आत्महत्या गर्नुअघि लामिछाने, कँडेल र कार्कीका कारण आफू आत्महत्या गर्न बाध्य भएको भिडियो रेकर्ड गरेर छोडेका थिए ।
