नेकपा सचिवालयको बैठक बालुवाटारमा शुरु
संगठन एकताको सम्पूर्ण काम सक्नेगरी नेकपा केन्द्रीय सचिवालयको बैठक प्रधानमन्त्री निवास बालुवाटारमा शुरु भएको छ । प्रधानमन्त्री केपी शर्मा ओली उपचारका लागि सिंगापुर जानुअघि संगठन एकताको सम्पूर्ण काम सक्नेगरी बैठक शुरु भएको छ ।
नेकपामा आयोग र प्रवास कमिटीको नेतृत्व चयन गर्न बाँकी छ । विहीबारको बैठकले ६ आयोग र प्रवास कमिटीको टुंगो लगाउने भएको छ । अनुशासन, निर्वाचन, लेखा आयोगमा दुवै पूर्वदल एमाले र माओवादी दुवैले दावी गरेका छन् । प्रवास कमिटीमा भने लगभग सहमति भइसकेको छ ।
आयोग र प्रवास कमिटीको टुंगो लगाउन दुई दिनदेखि बैठकको मिति निर्धारण गरिएको थियो । तर गृहकार्य नपुगेको भन्दै स्थगित हुँद आएको थियो । विहीवारको बैठकमा वरिष्ठ नेता माधवकुमार नेपालले पोलिटब्यूरो गठनको प्रस्ताव पनि औपचारिक रुपमा राख्ने भएका छन् । दुई दिनअघि नेपालले ७ बुँदे नोट अफ डिसेन्ट पनि राखेका थिए । नोट अफ डिसेन्टमा पनि नेपालले पोलिटब्यूरो गठनको माग गरेका छन् ।
