विदेशी डलर खाएर रवि लामिछानेका पक्षमा प्रदर्शन भइरहेको छ : सांसद विक
अहिले चर्चामा रहेको पत्रकार शालिकराम पुडासैनीको जीवनत्यागपछि पक्राउ परेका टेलिभिजन प्रस्तोता रवि लामिछानेको पक्षमा गणतन्त्र र व्यवस्थाविरोधीहरुले आन्दोलन गरिरहेको शंका गर्न थालिएको छ ।
यो बीचमा एकजना सांसदले अर्को गम्भीर खुलासा गरेका छन् । आज बसेको राष्ट्रिय सभाको बैठकमा विशेष समय लिएर बोल्दै सांसद खेमकुमार विकले रविको पक्षमा भइरहेको जुलुस र प्रदर्शनका नाममा देशमा हिं’सा भड्काउन खोजिएको आरोप लगाए ।
उनले भने, ‘रवि लामिछानेसँग सम्बन्धित जुलुस, धर्ना देशका केही ठाउँमा भइरहेको छ । जसमार्फत् हिं’सा भड्काउने कोशिश हुँदैछ । हिजै पनि काठमाडौँको माइतीघरबाट निस्केको जुलुसमा शंकास्पद पदार्थ (पेट्रोल) भरिएका वियरका बोत्तल बोकेर हिँडेको देखेँ ।
त्यसपछि मैले तत्कालै प्रहरीलाई खबर गरेँ । त्यसपछि सम्भावित हिं’सात्मक घटना टर्यो ।’ राज्यले कानुनको सहायताले सबै नागरिकलाई छानबिन गर्न पाउने तर्क उनको छ ।
जिउ धनको सुरक्षा गर्ने काम पनि राज्यको भएको भन्दै उनले भने, ‘राज्यले जोसुकै नागरिकलाई पनि कानुन अनुसार नियन्त्रणमा लिएर अनुसन्धान गर्न पाउँछ ।
यसमा किन विरोध ? के का लागि विरोध ?’ सरकाले कानुन कार्यान्वयन गर्न लाग्दा कम्युनिष्टको विरोध गर्दै वर्तमान प्रधानमन्त्रीको पुत्ला दहनसम्म भएको उनले स्मरण गरेका छन् ।
रविको पक्षमा भइरहेको यो आन्दोलनका पछाडि कुन शक्ति लागेको छ भन्ने प्रश्न आफैं गर्दै जवाफमा आफैंले डलर खाएर आन्दोलन भइरहेको दावा गरेका छन् ।
