म अझै १५ वर्ष बाँच्ने मात्र हैन स्वस्थ रहेर देशको सेवा गर्छु : प्रधानमन्त्री
अहिले प्रधानमन्त्री केपी शर्मा ओलीको स्वास्थ्यलाई लिएर धेरैले चिन्ता व्यक्त गर्ने गरेका छन् । तर प्रधानमन्त्री आफैंले आफू अझै १५ वर्ष बाँच्ने बताउनु भएको छ । गृहमन्त्रालयले आयोजना गरेको कार्यक्रममा प्रधानमन्त्री ओलीले भन्नुभयो, ‘केहीले मरिहालोस् भनेका छन् तर अझै म १५ वर्ष बाँच्छु ।
म उपचारका लागि जान लागेको हो । तर अहिले म बिरामी होइन, १५ वर्षअघि बिरामी भएको हुँ ।’ आफू भोलि सिंगापुर जान लागेको बताउँदै ओलीले चिन्ता लिनुपर्ने अवस्था नभएको बताउनुभयो । उहाँले भन्नुभयो, ‘म भोलि सिंगापुर जाँदैछु । केही मान्छेले यो मरिहालोस् भनेका छन् । तर म अहिले मर्दिनँ ।
अर्को चुनावमा आफ्नो अस्तित्व रक्षाका लागि तयार भएर बसे हुन्छ ।’ गत साउन १८ गते सिंगापुर जानु भएका प्रधानमन्त्री झण्डै ९ दिन सिंगापुर बसेर आउँनु भएको थियो ।
