भारतीय प्रधानमन्त्री मोदीले पाकिस्तानलाई दिए यस्तो चेतावनी
कश्मीरलाई लिएर अहिले भारत र पाकिस्तानबीचको सम्बन्धमा खटपट सुरु भएको छ । यस क्षेत्रलाई लिएर लामो समय देखि भारत पाकिस्तान तनाब जारी नै छ । हिजो पाकिस्तानले आफ्नो स्वतन्त्रता दिवस मनाएपछि भारतले आज आफनो ७३ औँ स्वतन्त्रता दिवस विभिन्न कार्यक्रम गरी मनाउँदैछ ।
हरेक बर्ष अगस्ट १५ मा भारतले आफनो स्वतन्त्रता दिवस मनाउँदै आईरहेको छ भने १४ अगस्ट पाकिस्तानको स्वतन्त्रता दिवस हो । आज भारतले देशभर विभिन्न कार्यक्रम गरी हर्ष उल्लासका साथ स्वतन्त्रता दिवस मनाईरहेको छ । स्वतन्त्रता दिवसको अवसरमा प्रधानमन्त्री नरेन्द्र मोदीले देशवासीका नाममा सम्बोधन गरेका छन् ।
लालकिलामा पुगेर मोदीले भव्य समारोहकाबीच सम्बोधन गरेका हुन् । सम्बोधनको क्रममा मोदीले आतं’कवाद र त्यसलाई पश्रृय दिने देशको कडा आलोचना गरेका छन् । सम्बोधनको क्रममा उनले आतं’कवादबिरुद्ध भारतको लडाई निरन्तर जारी रहने प्रतिबद्धता जनाए । पाकिस्तानप्रति इंगित गर्दै उनले आतं’कवादलाई समर्थन गर्नेहरुको पर्दाफास गर्ने उनको पनि प्रतिबद्धता व्यक्त गरे ।
सम्बोधनको क्रममा उनले भने, ‘आज विश्वको कुनै न कुनै हिस्सामा केही न केही भएकै छ । भारत यस्तोमा मुकदर्शक बनेर बस्ने छैन । आतं’कवादबिरुद्ध भारतको लडाई जारी रहनेछ । अब आतं’कवादको एक्सपोर्ट (निर्यात) गर्नेहरुको पर्दाफास गराउँने बेला आईसकेको छ ।’
उनले अगाडी थप्दै भने, ‘केही मानिसहरु भारतसंगै श्रीलंका , बंगलादेश र अफगानिस्तानमा पनि आतं’कवाद फैलाइरहेका छन् ।
यसका लागि सबै एक जुट हुन आवश्यक छ ।’ यसैगरी अनुच्छेद ३७० खारेजको बिषयमा पनि उनले अभिव्यक्ति दिए । उनले जम्मू कश्मीरबाट अनुच्छेद ३७० को खारेजले सरदार वल्लभ भाई पटेलको सपना साकार गर्नका लागि एक कदम भएको दाबी गरे । उनले अहिलेको सरकार समस्या पाल्ने भन्दा पनि समाधान गर्ने तर्फ लागेको बताए । एजेन्सी
