साहो’ ट्रेलरमा प्रभास र श्रद्धाको खतरनाक एक्सन
बहुप्रतिक्षित बलिउड फिल्म ‘साहो’को ट्रेलर सार्वजनिक भएको छ । ट्रेलरमा बाहुबली स्टार प्रभास र नायिका श्रद्धा कपूरको एक्सन अवतारलाई देखाइएको छ । एक्सनको साथै उनीहरुको रोमान्सलाई पनि प्रस्तुत गरिएको छ ।
यो फिल्म बलिउडकै सबैभन्दा ठूलो एक्सन फिल्म हो । फिल्ममा एक्सन, स्टन्ट, सस्पेन्स र रोमान्स प्रस्तुत गरिएको छ ।
भारु साढे ३ अर्ब बजेटमा बनेको फिल्म झन्डै दुई वर्ष लगाएर तयार पारिएको हो ।
मल्टिस्टारर फिल्ममा प्रभास र श्रद्धासँगै नील नितिन मुकेश, अरुण विजय, ज्याकी श्राफ, मन्दिरा बेदी, चंकी पाण्डे, मुरली शर्मा लगायत कलाकारको अभिनय रहेको छ । यो फिल्मबाट प्रभास बलिउडमा डेब्यु गरेका छन् ।
सुजितले निर्देशन गरेको फिल्म हिन्दी, तमिल, तेलगु र मलयालम चार भाषामा रिलिज गरिने छ । यो फिल्म अगस्त ३० अर्थात भदौ १३ गते देखि रिलिज हुँदैछ ।
