विमान दुर्घटना हुँदा एउटै परिवारका ३ जनाको मृत्यु
यात्रुसहितको विमान दुर्घटना हुँदा तीन जनाको ज्यान गएको छ । संयुक्त राज्य अमेरिका फिलाडेल्फियाको पेन्सिलभेनियामा एक विमान घरसँग ठोक्किएर दुर्घटनामा परेको हो । विमानमा सवार भारतीय मूलका डाक्टर दम्पती र उनीहरुकी १९ महिनाकी छोरीको ज्यान गएको जनाइएको छ । ज्यान गुमाउनेहरुमा ६० वर्षीय डाक्टर जसवीर खुराना जो विमान चलाइरहेका थिए ।
उनकी पत्नी डाक्टर दिव्या सुब्रमणियन खुराना पनि रहेको बताइएको छ तर छोरीको नाम खुल्न सकेको छैन । फिलाडेल्फिया प्रहरीका अनुसार, शहर भन्दा केही भित्र विमान दुर्घटनामा परेको थियो । विमान दुर्घटनापछि एक युवकले फोन गरेर जानकारी दिएको प्रहरीले जानकारी दिएको छ ।
