भारतीय पूर्वविदेशमन्त्री स्वराजले ब्रदर भन्थिन् : प्रधानमन्त्री
भारतीय जनता पार्टीकी नेत्री तथा पूर्वविदेशमन्त्री सुष्मा स्वराजको निधनले स्तब्ध भएको प्रधानमन्त्री केपी शर्मा ओलीले बताएका छन् । बुधबार बिहान ट्विट गर्दै प्रधानमन्त्री ओलीले भारत सरकार, जनता र परिवारका सदस्यलाई हार्दिक समवेदना र गहिरो सहानुभूति प्रकट गरेका छन् । सुष्माले आफूलाई ‘ब्रदर’ भन्ने गरेको प्रधानमन्त्रीले स्मरण गरेका छन् ।
यसैगरी, परराष्ट्रमन्त्री प्रदीप ज्ञवालीले पनि ट्विट मार्फत प्रतिबद्धता, दृष्टिकोण र आध्यात्मिकता भएको नेताको निधनप्रति भारत सरकार, जनता र परिवारका सदस्यप्रति समवेदना व्यक्त गरेका छन् ।
रोगका कारण आराम गरीरहेकी स्वराजको हृदयघातका कारण मंगलबार राती निधन भएको थियो । स्वराजलाई प्रधानमन्त्री नरेन्द्र मोदीको अघिल्लो कार्यकालको सफल विदेशमन्त्रीका रूपमा व्याख्या गरिन्छ ।
