सांसद गजेन्द्र महतले भने कुलमान र वर्षमान श्री ३ महाराज हुन ?
सांसद गजेन्द्रबहादुर महतले ऊर्जामन्त्री वर्षमान पुन र विद्युत् प्राधिकरणका कार्यकारी निर्देशक कुलमान घिसिङविरुद्ध सदनमा असन्तुष्टि व्यक्त गरेका छन् । जुम्लाको समस्या समाधान गर्न भेट्न खोज्दा पनि बेवास्ता गरेकामा उनले दुवैलाई ‘श्री ३ महाराज’को संज्ञा दिएका छन् ।
उनका अनुसार २०३८ सालमा जुम्लामा बनेको २ किलोवाटको बत्ती बिग्रिएर थन्किएको छ । बत्ती बन्न अझै तीन–चार लाग्छ । ‘हाम्रा श्री ३ महाराज हुनुहुन्छ, एक जना ऊर्जामन्त्री वर्षमान पुन, अर्का कुलमान घिसिङ, फोन पनि उठ्नदैन । भेटघाट गर्न पनि पाइँदैन’, उनले भने, ‘श्री ३ को फोन कसरी उठ्ने हो । कसरी भेट गर्न पाइने हो ? हाम्रो जिल्लाको समस्या कसरी राख्ने हो ? के विद्युत् प्राधिकरण छैन यो नेपालमा ? जुम्ला जिल्ला भन्ने नाम छैन ?’
भारतलाई बेच्ने भनेको बिजुली जुम्लालाई बिक्री गर्न उनले ध्यानाकर्षण गराए । कर्णालीको समस्यामा चासो राखिदिन उनले आग्रह गरे ।
