२० लाख पारिश्रमिक लिएर नयाँ फिल्ममा पुजाको इन्ट्री
केही समय अघि अभिनेत्री पूजा शर्मा पारिश्रमिकको विषयलाई लिएर विवादमा तानिएकी थिइन् ।
उनले चलचित्र ‘पोइ पर्यो काले’ मा २० लाख पारिश्रमिक लिएको खबरले मिडियामा राम्रै चर्चा परिचर्चा पाएको थियो ।
यति बेला चलचित्र ‘पोइ पर्यो काले’ को सुटिङ सक्काएर ‘म यस्तो गीत गाउँछु २’ को लागी अनुबन्धित भएकी पूजा नयाँ चलचित्रमा अनुबन्धित भएको खबर आएको छ ।
अनुबन्धित भएको खबर सँगै उनले उक्त फिल्मका लागि २० लाख रुपैयाँ पारिश्रमिक लिएको खुलेको छ । निर्माण यूनिट र पूजा बिच सोमबार नै लिखित सम्झौता समेत भइसकेको र चलचित्रको तिहारपछि छायाङ्कन सुरु हुने बताइएको छ ।
