२० बलमै ज्ञानेन्द्रको अर्धसतकले विश्वकप छनोटमा मलेसियामाथी नेपाल जित नजिक
सिंगापुरमा जारी टी–२० विश्वकपको एशिया छनोटमा नेपाल मलेसियामाथी जित नजिक पुगेको छ । मलेसियाले नेपाललाई ८४ रनको चुनौति दिएको थियो ।
वर्षाले प्रभावित बनाएपछि ९ ओभरमा घटाइएको खेलमा मलेसियाले ७ विकेटको क्षतिमा ८३ रन बनाएको हो ।
चुनौती पुरा गर्न ब्याटिङमा उत्रिएको नेपालले ५ ओभर १ बलको समाप्तिमा बिना कुनै विकेटको क्षतिमा ६६ रन बनाएको छ ।
टस हारेर ब्याटिङ थालेको मलेसियाका लागि सेयद अजिजले ३० रन बनाए । यस्तै भिरन्दीप सिंहले २१ रन बनाए। त्यसक्रममा उनले १७ बलमा एक चौका र एक छक्का हाने ।
यस्तै कप्तान अहमेद फेजले ९ रन जोडे । नेपालका लागि सोमपाल कामीले ३ विकेट लिए भने वसन्त रेग्मीले २ विकेट लिए ।
सन्दीप लामिछाने र करण केसीले समान १-१ विकेट लिए।
८४ रनको विजयी लक्ष्यसहित नेपालले ब्याटिङ गरिरहेको छ। ज्ञानेन्द्र मल्लले ५ चौक र ३ छक्का प्रहार गरेर २० बलमा नै ५१ रन जोडेर नेपाललाई जितको सम्भावना दिलाएका छन् ।
खेलमा प्रदिप ऐरीले १२ बलमा ११ रन जोडेका छन् ।
